bwiza.com
Amakuru Imikino Utuntu n'utundi

Ni urwenya! Ikiganiro gishingiye ku busesenguzi bw’uzegukana ‘FIFA The Best’

FIFA ni ishyirahamwe ry’umupira w’amaguru ku isi. Mu minsi ishize ryashize hanze urutonde rw’abakinnyi 10 bazatoranywamo uzaba umukinnyi mwiza w’umwaka (FIFA The Best).

Uru rutonde ruriho Cristiano Ronaldo, Lionel Messi, Kylian Mbappe, Eden Hazard, Harry Kane, Virgil Van Djik, Sadio Mane, Mohamed Salah, Matthjis de Ligt na Frenkie de Jong.

Abakunzi b’umupira w’amaguru ndetse n’abafana batangira gukora ubusesenguzi buha amahirwe buri mukinnyi bemera.

Hari n’abakora amatsinda ya WhatsApp (WhatsApp Group), umwe akitwa uyu mukinnyi, undi akitwa undi, ubundi bakaganira ndetse bakanajya impaka.

Turavuga kuri rimwe mu matsinda ryiyise FIFA The Best, rigizwe n’aba bakinnyi 10, hiyongeyemo Neymar. Ikiganiro n’impaka byaroshye muri iri tsinda.

Ese ni nde uzegukana iki gihembo ku wa 23 Nzeri?

Sadio Mane: Yewe Virgil! Nawe uri hano? Ndabona Liverpool yiganje.

Sadio Mane: Uburayi bwose turabuyoboye.

Mbappe: Murekere! Mumaze kurambirana.

Cristiano Ronaldo: Mutuze basore. Umwami nahageze.

Mo Salah: Twese turakomeye. Ahubwo twibaze umuntu uzegukana iki gihembo.

Frenkie de Jong: Ese iki kiracyari ikibazo?

Mbappe: Ba witonze Frenkie. Ngira ngo urabizi ko ufite amahirwe make yo gutsindira iki gihembo.

De Jong: Oya. Navugaga umwe ubarenze bose.

Cristiano: Uri umuhungu mwiza Frenkie! Ubahiga nta wundi utari nge.

De Ligt: Yego Ronaldo. Uragikwiriye.

Messi: Ndatekereza ko atari wowe De Jong yavugaga Cristiano we.

De Jong: Yipfuka mu maso.

Hazard: Nimutuze. Dushingire ku byo twakoze: Natsinze ibitego 16, ntanga imipira ivamo ibitego 15 muri shampiyona ikomeye ku isi (English Premier League), mfasha na Chelsea gutwara igikombe cya Europa. Ese ni nde wundi atari nge?

Mbappe: Abatarakinnye Champions League ndumva badakwiye kwibaza ku muntu uzatwara iki gihembo.

Neymar: Ndemeza ko ari ikirushanwa kibi.

De Ligt: Neymar?

Mbappe: Urakora iki hano muvandi (Neymar)? Nta n’ubwo uri ku rutonde. Igire mu myitozo.

FIFA ivanye Neymar mu itsinda.

Mbappe: None se uwatsinze ibitego 33, agatanga n’imipira ivamo ibitego 9 muri shampiyona y’abahinzi (Ligue 1), akagera muri ‘s League agatsinda ibitego 4, agatanga imipira ivamo ibitego 5?

Harry Kane: Birangira asezerewe na Manchester United! Naho nge se ukina muri Premier League na Champions League. Dukomeze.

Mo Salah: Ariko ubundi kuki uri hano Harry Kane?

Van Djik: Uyu mugabo nta gakombe yigeze atwara, yahoraga yavunitse mu mikino y’ingenzi, none aracyaza kuri uru rutonde.

Harry Kane: Ngo nta gikombe! Uransekeje Virgil. Ariko twatwaye Audi Cup.

Mo Salah: Naho se nge watsinze ibitego 27, ngatanga n’imipira ivamo ibitego 13, ngatwara na Champions League?

Messi: Ariko babwire Frenkie.

De Jong: Messi yatsinze ibitego 51, atanga n’imipira ivamo ibitego 22 muri uyu mwaka w’imikino. Ni we watsinze ibitego byinshi muri La Liga na UCL. Umwaka utaha nzamuha imipira yose.

Hazard: Ariko watwawe na Messi.

Messi: Nimumpe nibura impamvu imwe yatuma ndatwara iki gihembo.

Sadio Mane: Ashyiraho ifoto ubwo Messi yarebaga kuri ‘tableau’, FC Barcelona imaze gutsindwa na Liverpool ibitego 4-0.

Wari umukino wo kwishyura muri 1/2 cya UCL, ubwo Barcelona yari yaratsindiye Liverpool 3-0 i Camp Nou yasezerewe mu Bwongereza ku bitego 4-0

De Ligt: Murashaka kumenya impamvu Cristiano akwiriye iki gihembo se?

Cristiano: Oya Martthjis. Ntabwo Cristiano akenera umuvugira, ahubwo arabyivugira. Cristiano yayoboye Ubutaliyani mu mwaka wa mbere yagezeyo, wenyine asezerera Atletico Madrid, arangize atwara Nations League  na Portugal.

Messi: Maze usezererwa na Ajax muri UCL, unakubitwa inshuro na Fabio Quagliarella w’imyaka 36 mu batsinze ibitego byinshi muri Seria A. Ntabwo uyu mwaka ari uwawe CR7 we!

Van Djik: Ariko aho mwahereye muvuga ibitego n’imipira ivamo ibitego! Muri mwe ni nde wancenze? Mu mikino 50 yose nta wantambutseho, ikindi natwaye na UCL.

Messi: Yewe! Tuza kuko ba myugariro ntibahirwe n’iki gihembo.

Sadio Mane: Uragikwiriye mugabo munini (Van Djik).

 

Izindi wakunda

Bwiza.com
error: Alert: Ntabwo byemewe!!