bwiza.com
Amakuru Imyidagaduro

Itsinda rya Destiny’s Child ryazamuye Beyonce rigiye kubyuka

Itsinda rya Destiny’s Child ryari rigizwe na Beyonce, Michelle Williams na Kelly Rowland rifite gahunda yo kubyuka mu 2020, rinizihiza imyaka 20 ribayeho.

Ni igitekerezo iri tsinda ryakuye kuri Spice Girls ryagiye risenyuka, rikongera kwihuza inshuro nyinshi.

Spice Girls ni itsinda ryo mu Bwongereza ryabayeho kuva mu 1994, rigizwe na Melanie Brown, Emma Bunton, Melanie Chisholm, Geri Halliwell na Victoria Beckham. Kuva mu 1994  kugeza mu 2000 bari kumwe, baratandukana bongera kwihuza mu 2007 kugeza mu 2008, nyuma baratandukana. Bongeye kwihuza mu 2012 nyuma baratamdukana. Mu mwaka ushize (2018) bongeye kwihuza, kugeza ubu baracyari kumwe.

Amakuru dukomora kuri The Sun avuga ko Beyonce yegereye Michelle Williams na Kelly Rowland mu ibanga kugira ngo babyutse iri tsinda ryakanyujijeho.

Beyonce yavuze ko mu 2020, bazabanza gukorera hamwe ibitaramo i Burayi no muri Amerika kugira ngo bongere bashimishe abakunzi babo bari babakumbuye. Ibi bikorwa bizakurikirana n’indirimbo nshya itsinda rizakorera hamwe.

Destiny’s Child yabayeho kuva mu 2000, ritandukana mu 2006. Nyuma y’aho, buri wese yatangiye gukora umuziki ku giti cye.

Destiny’s Child bakoze indirimbo zitandukanye zirimo: Say My Name, Independent Women, Lose my Breath, Soldier, Girl, Survivor n’izindi. Indirimbo ‘Say Yes’ yasohotse mu 2014 ni iya Michelle Williams ariko Beyonce na Rowland barayimufashije.

Aba bahanzi batatu bagiye bahurira mu bitaramo bitandukanye, bakaririmbira hamwe biyibutsa ibihe bagiranye bakiri itsinda.

Kelly Rowland
Michelle Williams
Beyonce Knowles Carter

Izindi wakunda

Bwiza.com
error: Alert: Ntabwo byemewe!!