bwiza.com
Ahabanza » Uganda: Uzwiho gushimuta Abanyarwanda yasabiwe kugezwa mu butabera
Amakuru mashya

Uganda: Uzwiho gushimuta Abanyarwanda yasabiwe kugezwa mu butabera

Ishyirahamwe ry’Abanyamategeko muri Uganda (ULS) ryasabye ko Umuyobozi w’Urwego rw’Umutekano mu gihugu (ISO), Rtd. Col. Frank Bagyenda yagezwa mu nkiko ku bw’ibyaha byo gukorera iyicarubozo abaturage.

Col. Bagyenda binyuze mu rwego ayoboye ko ashinjwa uruhare mu ifatwa, kwamburwa, n’iyicarubozo ryagiye rikorerwa Abanyarwanda babaga bafatiwe muri Uganda.

Aba banyamategeko bavuga ko Col. Bagyenda yitwaza imbaraga afite agakora icyo ashaka mu kwica rubozo abaturage barimo n’abanyamategeko baba bari mu kazi kabo.

Umuyobozi wa ULS, Simon Peter Kinobe yabwiye abanyamakuru ko  Bagyenda ISO yayigize nk’akarima ke, ko ayikoresha mu gukungahaza abibasira abaturage basanzwe.

“ Aba bakomeje gufungira abaturage  ahantu hatazwi ndetse hejuru y’amasaha 48 nta na dosiye zabo bafite. Ahantu ruharwa hifashishwa na ISO muri ibi korwa ni ahitwa Kyengera, hakaba harindwa na polisi.”

Avuga ko bagiye bagaragariza ISO ko batshimiye uburyo ikomeje gutoteza abaturage ariko ngo iivunira ibiti mu matwi ahubwo ikaza umurego muri ibi bikorwa.

Col. Bagyenda ngo ntatinya no guta muri yombi abanyamategeko baba bari mu kazi kabo ka buri munsi abashyiraho iterabwoba.

Kinobe nk’uko Daily Monitor dukesha iyi nkuru ibitangaza, avuga ko umwavoka agomba guhagararira umukiliya we nta terabwoba ashyizweho.

Ku rundi ruhande, Col. Bagyenda ntiyabonetse ngo agire icyo avuga ku byo ashinjwa n’aba banyamategeko.

 

Izindi wakunda

Bwiza.com