bwiza.com
Ahabanza » Amafoto: Perezida Kagame yasesekaye I Lusaka muri Zambia nyuma yo kuva muri Mozambique
Amakuru Featured

Amafoto: Perezida Kagame yasesekaye I Lusaka muri Zambia nyuma yo kuva muri Mozambique

Perezida wa Repubulika, Paul Kagame, akaba na chairman w’Ikigo cya Afurika cy’Intego z’Iterambere Rirambye (SDGs), kuri uyu wa Gatatu, itariki 07 Kanama yasesekaye I Lusaka muri Zambia aho agiye gutangiza ikigo cya SDGs mu gice cya Afurika y’amajyepfo.

Perezida Paul Kagame akaba yagiye I Lusaka agiye kwifatanya na mugenzi we wa Zambia, Edgar Lungu mu gutangiza iki kigo kizakurikirana ishyirwamubikorwa ry’Intego z’Iterambere Rirambye mu majyepfo ya Afurika.

Ku kibuga cy’indege cya Lusaka, Perezida Kagame yakirijwe imbyino gakondo

Ni nyuma yo gukubuka muri Mozambique, aho kuri uyu wa Mbere ushize yitabiye isinywa ry’amasezerano yarangije intambara hagati y’abanyagihugu yari imaze imyaka isaga 15 muri iki gihugu.

Mu ijambo yavugiye aha, Perezida Kagame yavuze ko u Rwanda ruzagumana na Mozambique n’inshuti n’abavandimwe. Yavuze ko kandi ibi bihugu ari ibifatanyabikorwa mu bintu bitandukanye birimo nko guhindura umugabane wa Afurika.

Perezida Kagame aganira na Minisitiri w’Ububanyi n’Amahanga wa Zambia, Joseph Malanji

Yongeyeho ko u Rwanda rwiteguye kurushaho gukaza umubano hagati y’ibihugu byombi mu myaka iri imbere.

Yashimangiye ko Abanya-Mozambique bahisemo kwishyira hamwe bagahindura ipaji. Ati: “Nta cyabuza iki gihugu kugera ku bindi byinhi mu bijyanye n’iterambere n’imibereho myiza y’abaturage.”

 

Izindi wakunda

Bwiza.com