bwiza.com
Ahabanza » Burundi: Imiryango y’abasirikare biciwe muri Somalia irasaba imirambo yabo
Amakuru Politiki

Burundi: Imiryango y’abasirikare biciwe muri Somalia irasaba imirambo yabo

Nyuma y’igitero Al-Shabaab yagabye ku basirikare b’u Burundi bari mu butumwa bw’amahoro muri Somalia,  imiryango yabo irasaba kugaragarizwa imirambo yabo.

Abasirikare bari mu butumwa bwo kugarura amahoro muri Somalia, ubwo bari mu kazi mu gace ka Bal’Ad, mu Bilometero 30 uvuye mu Burasirazuna bw’Amajyaruguru ya Mogadiscio, ku wa 27 Nyakanga 2019, nibwo bagabweho igitero n’Al Shabaab, batandatu muri bo bahita bahasiga ubuzima.

Imwe mu miryango y’aba basirikare bishwe itangaza ko ubuyobozi bw’ingabo butarabamenyesha gahunda irebana n’ishyingurwa ryabo, bati “Byatunyuze mu matwi ko imibiri  yabo yavanwe i Mogadiscio izanwa i Bujumbura, tukibaza ngo ni ryari tuzamenyeshwa ibirebana n’ishyingurwa ryabo. Mbese turi mu kiriyo tutazi ngo kizarangira ryari”.

Nyuma y’ibi bivugwa n’iyi miryango, Umuvugizi w’igisirikare cy’u Burund, Col. Floribert Biyerekei avugana na SOS medias/Burundi,  yanze kugira icyo abivugaho, asaba ko bamenya gusa ko igitero cyagabwe ku basirikare b’u Burundi.

 

Izindi wakunda

Bwiza.com