bwiza.com
Amakuru Politiki

Byinshi ku ibaruwa ndende Kizza Besigye yandikiwe

Dr Kiiza Besigye, umunyapolitiki utavuga rumwe n’ubutegetsi bwa Uganda yandikiwe n’umunyamategeko Banturaki Bernard (niba atari izina yahawe) ibaruwa ifunguye imwereka uburyo Museveni atari we kibazo igihugu gifite, aboneraho no kumusobanurira ibigomba gukemurwa.

Banturaki yabanje kumusuhuza mu izina rya Yesu wihinduye umuntu, aza gucungura abanyabyaha. Yaboneyeho kumubwira ibijyanye no kwitanga. Yanagereranyije uko Yesu yitanze n’ukwe, we ugaragaza ko icyo aharanira ari ukuvana Museveni ku butegetsi.

Ati: ” Wafunzwe kenshi uranakubitwa, wagerageje gukora mu maraso y’inkomere nyinshi uzitabara ku buryo ubwitange bwawe buri hejuru nko mu bicu. Ubwo tuvuga ku bwitange n’uruhare rwabwo mu nzira ya demukarasi, ni byiza ko utubwira niba ubikora ku bw’inyungu zawe cyangwa iz’igihugu bitandukanye na Yesu wabikoze ntibikuremo ubutunzi. Turabizi ko uri mu baherwe bakomeye mu gihugu kandi tutazi neza aho bakomora ubutunzi bwabo.”

Yamubwiye ko iki kibazo benshi bakibajije Besigye n’ubwo bavugwaho kugira aho bahuriye n’ishyaka riri ku butegetsi, NRM.

Reka nsubiremo cya kibazo kimaze igihe. Ese urashaka kugera kuki? Impamvu nyamukuru ituma witanga ni iyihe?

” Watangiye kutavuga rumwe n’ubutegetsi ndi hafi kugira imyaka 20 y’amavuko. Kuva icyo gihe wavugaga ko wifuza ihindurwa ry’ubutegetsi. Ntabwo nigeze numva ikindi ushaka kitari ukuvana Museveni ku butegetsi. Buri munsi nibaza niba uzi icyo abaturage bashaka, cyangwa ukaba uri nka wa musazi utera amabuye mu mpande zose, yakumva igisakuza akavuga ko ari cyo cyari intego.” Banturaki.

Yavuze ko Besigye abona ko ibintu bizagenda neza ari uko Museveni avuye ku butegetsi. Ibi ni bimwe mu bibazo umwanditsi yagaragaje Besigye yakagizemo uruhare kugira ngo bikemuke, aho gutegereza ko Museveni yava ku butegetsi:

  • Ubuvuzi burembye kurusha abarwayi.
  • Polisi ikora ibyaha kurusha amabandi.
  • Uburezi bufite ikibazo kurusha abanyeshuri.
  • Kutabaho ubutabera n’uburyo abantu babona akazi (budasobanutse).

Yamubwiye ibyifuzo by’abaturage biruta gushaka kubona Museveni atari perezida. Ibyo birimo: kubonera ibicuruzwa amasoko, ubwisungane mu kwivuza, ibitaro byujuje ibyangombwa, ubutabera, amahoro n’umutekano n’ibindi.

Umwanditsi yagiriye inama Besigye zirimo kwishyiriraho abatoresha n’abagenzura amatora be bazwi ku biro by’amatora kuko ngo ntagomba gutegereza uwo bahanganye ngo aramureberera. Yemera ko amatora yibwa nk’ubusanzwe ariko akavuga ko Besigye agomba kuzajya ashyiraho abamumenyera niba buri jwi rye ryabazwe.

Yamusabye kwemera mu gihe yatsinzwe, uburyo bwose byaba byanyuzemo, agakomeza gahunda yo guharanira ko abaturage cyangwa se igihugu cyatera imbere. Ati: ” Ntabwo wakagombye kwitangaza ngo ni wowe perezida, ntabwo nemeranya nawe pe!”

Chimp Reports

 

 

 

Izindi wakunda

Bwiza.com
error: Alert: Ntabwo byemewe!!