bwiza.com
Ijambo ry'Imana Nibintije Evangelical Ministries International (NEMI)

Gahunda y’ Imana ntabwo ijya hinduka- Rev. Nibintije

Umukozi w’Imana Rev. / Ev. Eustache Nibintije, abinyujije muri Minisiteri ye y’ivugabutumwa yise “ Nibintije Evangelical Ministries” asigaye adufasha mu kugabura ijambo ry’Imana nkuko yamuhaye umuhamagaro ikamwuzuza ubwenge bwo kugira ngo agirire abantu benshi umumaro mu gihe gisa n’iki.

Abaroma 11:29

“ Kuko impano z’ Imana no guhamagara kwayo ari ibintu itazigera yicuza.”

Ni izihe nzozi (dreams) wari ufite kuva kera kandi wari warafatiye umwanya wo kuzisengera ?

Mu gitondo cy’ uyu munsi ndagira ngo nkongerere imbaraga nkubwira ko Imana yacu ikoresha ibyo tuba twifuza mu mitima yacu byo mu gihe kiri mbere kugira ngo ibishyitse, ari byo Bibliya ivuga “ ibyo dusaba kandi tubisabana umutwaro mwinshi kandi mu ibanga”.

Ubusanzwe iyo wifuje kuzagera mu rwego ( level) runaka, cyangwa kuzaba umuntu runaka, biba ari Imana yashyize icyo kintu muri wowe kandi ikazana kuyobora muri ubwo buzima kugeza ubwo ibukugejejemo. Mu minsi mike nigeze gusoma ikinyamakuru kimwe, ubuhamya bw’ umuyobozi ukomeye mu gihugu cyacu, avuga ukuntu yagize inzozi ( dream) yo kuzaba umuyobozi wo mu rwego rwo hejuru akiri umwana muto aza kubyizera ndetse arabikurana.

Imana yari yashize izo nzozi muri we yakomeje ku muyobora muri uwo muhanda wo kuzaba uwo yara ari kwiyumvamo, kugeza ubwo yabigezeho. Hari ni gihe inzozi zawe ziba ziremereye ku buryo zikurusha uburemere bitewe n’ uko utakurukije amahame amwe namwe ajyanye no kujyana muri iyo nzira nuwashyize izo nzozi muri wowe, bityo bigatuma uwo mutwaro uwikuraho, ariko kuko ari ubutunzi bwawe cyangwa ikintu kigira kamaro ukabura umutima wo kugikuraho amaboko nubwo kiba kikunaniye kucyikorera maze ugahitamo kuzicukurira ahantu ariko ukajya uhahoza akajisho.

Uyu munsi nkuzaniye ubutumwa buturutse kuwashyize izo nzozi muri wowe ko wakongera kugirana amasezerano nayo yo gutaburura izo zonzi watabye. Ikindi ni uko gushidikanya wagize, ibyo bitekerezo bibi bitaturutse ku Mana yawe yari yashize izo nzozi zawe muri wowe. Imana yawe ikomeye, Irakubwira ko ugitangira kugira iyo nzozi yawe ( dream) yo yahise itangira umurimo wo ku kuyobora muri iyo nzira, ndetse ni igihe wacitse intege. Ugahakarika ku byizera no kuyizera cyangwa umaze kubona bitari kugenda nkuko ubyifuza bitewe (mistakes) yabikozemo cyangwa n’ izindi ngufu z’ umwanzi wawe utakwishimira ko hari aho wagera mu ubuzima.

Imana yo ntabwo yabikuyeho umutima wayo gusa icyo yakoze ni uko yategereje uruhare rwawe kugira ngo ikomeze kubigufashamo.Ibuka ko mu icyigisho cy’ ejo hashize nakubwiye ko Imana igihe cyose iba itegereje uruhare rwawe kubera ko aricyo cyatumwe yaturemye bitandukanye n’ Inyamaswa kubwo kuduha ubwenge bigatuma iduha uburenganzira bwo kuba twakwihitiramo icyo dushaka.

Ushobora guhitamo kwakira umugisha yashize imbere yawe cyangwa ukawureka ukitambukira .Bitewe ni iki? Bitewe n’ uko utakoresheje ubwonko bwawe (brain) mu gutekereza byimbitse kuri icyo kintu, Ni iyihe impamvu. Imana ishyize iki kintu muri njye, kuki numva nshaka kuzaba mwa buriya muzima, kuki Imana ishyize imbere umuntu wayo wo kuba yamfasha kuzamura imibereho yanjye .

Inkuru nakuzaniye uyu munsi ni ugukangura kandi ugafata ingamba zo kwereka Imana ubushake bwawe ku mugisha ya gushize imbere kugira ngo ibashe ku kuyobora muri iyo nzira bityo ubashe kugera ku inzozi zawe. Nigeze kuganira n’ umukozi w’ Imana wari warashyizwemo inzozi kera zo kuzagirira umumaro abantu bamukikije. Ariko Satani ashaka gukoresha uko ashoboye kugira ngo amukuremo iyo nzozi. Ku uburyo yakoresheje inzira zose birananirana ariko ntiyahagarika uwo mugambi mubi kuri uwo mukozi w’ Imana, nibwo yahinduye uburyo kuburyo yakoresheje umugore we.

Maze uwo mugore we habaye aho ikibazo batumvikanaho n’ umugabo we bitewe n’ ibibazo barimo ndetse n’ imyizerere y’ uwo mugabo. Nibwo uwo mugore yegereye uwo mugabo aramubwira ati ko niba utemeye ibi, ibyo kuba umugore wawe uhite ubyibagirwa kuko ubu buzima ndaburambiwe kuva kugushakaho ntabwo nigeze mba mu ubuzima nashakaga kubamo. Ngomba kurya ubuzima nkiriho kuko ntawamenya ejo uko bizaba bimeze.

Umugabao nawe aramusubiza ati “ ariko wibuke ko uri umukristo. Nawe aramusubiza ati “ Navukiye muri family y’ abakristo ndetse y’ abakozi b’ Imana ariko ntabwo nigeze kuba umukristo kandi nakumenyeshe ko Ntashaka kwitwa umugore w’ umukozi w’ Imana kandi twageze mu gihugu gitanga ubwisanzure bwo gukora icyo umuntu yishakiye. Ubwo umugabo byaramuyobeye ariko nabwo akomeza icyo Imana yashyize muri we.

Icyo yahise akora yahise ajya kubaza Imana ye nayo imusubiza imubwira ko ari ngombwa ko ahura n’ ibigeragezo ku mpamvu zuko izo nzozi ari inzozi zizagirira akamaro abantu benshi bagiye batandukanye kandi usibye na Satani uzaba uri gusenya. Nanjye ubwanjye ngomba ku gushyira ku munzani kugira ngo menye ibiro ugejejemo bityo ubone gutangira uwo mirimo cyangwa ugere kuri izo nzozi zawe.

Ariko HUMURA ibyo ntibikurangaze komeza urugendo ibindi ubindekere kuko nzi uko nzabyirangiriza. Umukozi w’ Imana yabikoze uko yabibwiwe. Ku uburyo ubu Imana iri ku mukoresha mu buryo budasanzwe, kandi bikaba biri kubohora abantu benshi, bikaba biri no kubahesha umugisha. Nshuti y’ Imana, ndizera ko iki ari igihe cyawe, akaba ariyo mpamvu muri uyu mwanya nakuzaniye inkuru ikubwira ko wagombye: Guhumuka maze ukemera kongera guhagurukana n’ Imana yawe maze mu kongera gutangira urugendo rw’ inzozi zawe wasinzirije muri wowe.

Hagarara mu kwizera kwawe maze urebe ukuntu imbaraga z’ Imana zigufasha kugera ku imibereho wiyumvisemo kuzabamo mu minsi iri imbere. Hagarika gutekereza ko byarangiye ahubwo witegure kwakira imigisha yawe bundi bushya kandi mu inzira utatekereza.

Imana iguhe umugisha..!

Nibintije Evangelical Ministries International (NEMI)

estachenib@yahoo.com

+14123265034(WhatsApp)

Izindi wakunda

Bwiza.com
error: Alert: Ntabwo byemewe!!