bwiza.com
Amakuru Imyidagaduro

Impamvu yatumye umuhanzi Teknomiles atabwa muri yombi-amashusho

Augustine Miles Kelechi uzwi nka Teknomiles cyangwa se Tekno ubu ari mu maboko ya polisi kugira ngo ahatwe ibibazo ku mashusho yashyize ku karubanda abyinisha abakobwa bambaye utwenda two kogana (bikini).

Mu cyumweru gishize, Tekno yashyize ku mbuga nkoranyambaga amashusho abyinishiriza abakobwa batatu mu modoka ifunguye igice cy’inyuma. Aba bakobwa bari bambaye utwenda duto. Tekno yabahaga amafaranga, na bo bakomeza kumubyinira.

Leta  ya Nigeria n’abakurikirana umuziki ntibishimiye iki gikorwa, baramunenze cyane. Mu kwisobanura, Tekno yavuze ko ari amashusho y’indirimbo bafataga. Yaboneyeho no gusaba imbabazi ababifashe nabi, avuga ko atari agambiriye ikibi.

Polisi yihagurukiye kugira ngo ikore iperereza rigamije kumenya niba uyu muhanzi yarakoze ibi ngibi afata amashusho y’indirimbo cyangwa niba hari ikindi yari agamije.

Iki gikorwa Tekno yakoze gifatwa nko gutesha agaciro igitsina gore. Ibihugu byinshi ntibishaka ko umugore cyangwa se umukobwa agirwa igikoresho cy’umugabo. Ni yo mpamvu politiki nyinshi zishigikira ibihano ku bakora ibintu nk’ibi.

Izindi wakunda

Bwiza.com
error: Alert: Ntabwo byemewe!!