bwiza.com
Ahabanza » Meddy yanyomoje abavuga ko afite fiancée
Amakuru Imyidagaduro Urukundo

Meddy yanyomoje abavuga ko afite fiancée

Umuhanzi w’Umunyarwanda, Ngabo Médard, ntiyemera ko afite fiancée nk’uko abantu benshi babivuga.

Mu kiganiro yagiranye na BBC, Meddy yabajijwe ibibazo byinshi, birimo gahunda y’umuziki afite mu minsi iri imbere; haba mu Rwanda no hanze.

Bigeze ku mukobwa w’Umunya-Ethiopia bigeze kuzana hano mu Rwanda, akamwereka abafana ndetse n’umuryango, Meddy ati : ” Uriya ni inshuti isanzwe (girl friend), ntabwo ari fiancée nk’uko abenshi babivuga kuko nta mpeta yange afite”.

Yavuze ko byashoboka kuzabana Imana ibikunze ariko bitari ibya vuba kuko afite akazi kenshi agomba gukora, cyane akajyanye n’umuziki.

Ku wa 01 Mutarama, 2019 ni bwo Meddy yakoreye igitaramo cya East African Party muri ‘Parking’ ya Stade Amahoro.  Ubwo yaririmbaga, iyi nshuti ye, Mimi Mehfra wo muri Ethiopia yageze ku rubyiniro, Meddy amwereka abafana.

Aya makuru ya Mimi Mehfra yavuzwe cyane na mbere ubwo Meddy na we basesekaraga ku kibuga cy’indege mpuzamahanga cya Kigali i Kanombe, biba akarusho ubwo yamwerekaga umuryango ku wa 25 Ukuboza 2018.

Meddy yaganiraga na BBC

 

Izindi wakunda

Bwiza.com