bwiza.com
Ahabanza » Umugabo wanjye aheruka kumbwira ko ankunda tukiri i Bujumbura, abakobwa b’i Kigali bankozeho- Nkore iki?
Urukundo

Umugabo wanjye aheruka kumbwira ko ankunda tukiri i Bujumbura, abakobwa b’i Kigali bankozeho- Nkore iki?

?????????????????????????????????????????????????????????

Amazina yanjye ni Emelyne, ndi umunyarwandakazi w’imyaka 34, ariko kuva ku myaka 16 nabaye i Burundi, kugeza mu mwaka wa 2016 ubwo njye n’umuryango wanjye twiyemezaga kuza gutura mu Rwanda kuko niho mu rugo.

Tukiba Bujumbura rwose umugabo wanjye twarakundanaga, twageze mu Rwanda amara amezi nk’atanu adafite akazi, ariko njyewe nageze mu Rwanda mpita ntangira gukora kuko nari naragaterese nkiriyo.

Tukiri n’iyo, yatwaraga imodoka ya coaster, tugeze n’i Kigali aza kubona aka kazi, rimwe na rimwe akarara mu Ntara, agataha mu rugo nk’ejo, bikaba aho ariko nyuma nza kumenya ko hari n’igihe aba yaraye muri Kigali akambeshya ko araye nk’i Nyagatare.

Narakurikiranye nza kumenya ko afite inshoreke, nagerageje kumubaza ibyo arimo ariko akangira umusazi, mbese twageze i Kigali imico nari nsanzwe muziho irahinduka cyane.

Ijambo Ndagukundaga yambwiraga kenshi ndiheruka tukiri iyo Bujumbura, ahubwo agasubira inyuma akaribwira izo nshoreke ze, ubutumwa  yakira bumwe nagiye mbobona.

Ndababaye, maze igihe nimwa urukundo, ndababaye cyane, sinzi pe, nabuze n’icyo nkora, gusa nkunda abana banjye, umugabo we nsigaye numva urwo namukundaga ruyoyoka cyane, mungire inama kuko ntanashaka ko twicarana ngo tuganire igihe kirekire wenda ngo namwibutse uburyo twasangiye ubuzima buryoshye n’ubusharira tukiri Buja.

 

Izindi wakunda

Bwiza.com