bwiza.com
Ahabanza » Imana yakugeneye umugisha udashobora Kunyura kuri Pastor wawe mpaka uwuhawe n’umubyeyi wawe – Rev. / Ev. Nibintije
Ijambo ry'Imana Nibintije Evangelical Ministries International (NEMI)

Imana yakugeneye umugisha udashobora Kunyura kuri Pastor wawe mpaka uwuhawe n’umubyeyi wawe – Rev. / Ev. Nibintije

Abayefeso 6:1

“ Bana, mvumvire Ababyeyi banyu mwunze ubumwe n’ umwami, kuko ari byo bikiranuka.”

 Umukozi w’Imana Rev. / Ev. Eustache Nibintije, abinyujije muri Minisiteri ye y’ivugabutumwa yise “ Nibintije Evangelical Ministries” asigaye adufasha mu kugabura ijambo ry’Imana nkuko yamuhaye umuhamagaro ikamwuzuza ubwenge bwo kugira ngo agirire abantu benshi umumaro mu gihe gisa n’iki.

Imirimo yose uzakorera ababyeyi bawe izaterwa n’ uko uzaba wubaha Imana. Mu mategeko y’ Imana harimo itegeko ryo kubaha ababyeyi bawe. Usibye no kuba ari rimwe mu mategeko y’ Imana kubaha ababyeyi bawe hari aho bifite connection n’ amasezerano y’ Imana ku abantu bubaha ababyeyi babo, amasezerano yo kuba abanyamigisha, amasezerano yo kurama.

Kubaha ababyeyi bawe, bizatuma uhirwa imbere y’ Imana ndetse n’ imbere y’ abantu, bizatuma ubaho igihe kirekire.Tangira wumve inama z’ ababyeyi bawe kuko, hari ikintu cyo mu buryo bwo mu mwuka. Imana yahaye ababyeyi bawe, ariko itahaye abandi, wowe ubwo bubasha itanahaye na Pastor wawe. keretse ufite izina rya Papa wanjyeeee….,na Mama wanjyeee……

Hari ubundi bubasha Imana yahaye ababyeyi bawe Imana ikoresha kugira ngo iguhe umugisha kandi uwo mugisha akaba ntawundi Imana yawunyuzaho atari umubyeyi wawe gusa. Bishaka kuvuga ko uramutse utubashye ababyeyi bawe uwo mugisha wazarinda uva muri iyi isi utawubonye.

Igihe nari ngiye gufata indege nza hano ntuye, byabaye ngombwa ko njya gusezera ku babyeyi banjye, kumpande zombi ku ababyeyi banjye no kubabyeyi b’ umufasha wanjye. Umubyeyi w’ umufasha wanjye we yanditse ni ibaruwa agira ati” Aho muzajya hose, ibyo muzakora byose, ubuzima bwose buzabamo, mwagira amafaranga menshi, mutayagira ndabasabye “Imana yabahamagye mukanayikorera hano nti muzayigurane ikindi kintu cyose kibaho”

Ababyeyi banjye nabo barambwira bati:

“ Mwana wanjye uzahahe uronke kandi uzabonere umugisha aho abandi bawuburiyE, ndabizi neza ko witeguye bihagije gusa ndashaka kuguha inoti 1000fr uze kugura fanta uri mu nzira n’ umugati w’ abuzukuru banjye nk’ ikimenyetso kijyanye nibyo Ngusabiye ku Imana.”

Ubu maze hafi imyaka icumi inarenga. Ariyo baruwa nahawe n’ Ababyeyi b’ umufasha wanjye ari niyo inoti nahawe n’ ababyeyi banjye ndacyabifite iyo bibaye ngombwa (mbibandikaho) ibiganza byanjye, nsengera ayo magambo nabwiwe nabo babyeyi banjye.

Ushobora ku mbaza uti “ kuki wabitse urwo rwandiko nayo mafranga? igisubizo ni kimwe ni uko namenye ibanga ry’ububasha umubyeyi afite k’ umwana bwo mu uburyo bwo mu umwuka.

Muvandimwe muri Kristo niba ugiriwe ubuntu ugasoma iyi nkuru cyangwa Ababyeyi bawe bakayi gusomera, Tangira ushake uburyo wa tangira kubaha ababyeyi bawe ndabizi biragoye kubera ikinyejana tugezemo, bitewe n’ iterambere tugezeho bikatwibagiza agaciro k’ Ababyeyi ariko nakugira inama yuko wagombye kumva inama z’ Ababyeyi bawe kuko Imana ijya ikoresha ururimi rwabo mu ibintu batandukanye , mu kuguha umugisha ndetse n’ibindi bintu ntarondora.

Nubishyira mu ibikorwa birahita byandikwa mu ibitekerezo by’ Imana.

Imana iguhe umugisha..!

Nibintije Evangelical Ministries International (NEMI)

estachenib@yahoo.com

+14123265034(WhatsApp)

Izindi wakunda

Bwiza.com