bwiza.com
Utuntu n'utundi

Kenya: Abagore bigaragambije bavuga ko abagabo babo batagitera akabariro

Abagore bo mu gace ka Limuru muri Kenya bari mu myigaragambyo yamagana ba nyir’utubari bakomeje gutuma abagabo babo badatera akabariro.

Aba bagore bavuga ko abagabo bazindukira mu tubari dufungurwa mu gitondo cya kare, maze bakanywa ibisindisha, bataye abagore babo mu buriri.

Aba bagore bati “ Mwubahirize amabwiriza agenga amasaha yo gucuruza cyangwa se tuzigabize inzu z’ubucuruzi zanyu, tuzisenye.

Aba bagore by’umwihariko bavuga ko iki kibazo cyakajije umurego nyuma y’aho hari abadukanye umuco wo gucuruza inzoga mu ngo zabo.

Uhagarariye abagore muri Limuru, Susan Nyambura yabwiye The Star dukesha iyi nkuru ko iki kibazo cyabaye karande mu duce twinshi turimo Limuru, Nazareth, Ngarariga, Rironi, Ngecha n’ahandi.

Ati “ Abagabo baba basinze saa moya za mu gitondo. Biteye isoni kubona abagabo bacu baba bagiye mu kabari kuri ariya masaha. Tubategurira amafunguro ntibayafate, bakagenda bakagaruka basinze, basa nabi, bananiwe baje kureba ibyo kurya bya saa sita.”

Yakomeje agira ati “ Iyo batabibonye, bahita basubirayo bakagaruka nijoro basakuza aari nako baherekejwe n’bakobwa basinze.”

Nyambura avuga ko iki kibazo cyafashe indi ntera kugeza n’aho abagabo babura umwanya wo gutera inda.

Umwe mu bagore bo muri aka gace ka Limuru witwa Njoki, yagize ati “ Tugomba kubyara tukiri bato. Ariko ikibazo ni ukuba nta we twabikorana. Urumva iyo aje yabaye kuriya sinatuma ankoraho kuko ni ugutuma wiyumva nk’uwiyanduje kandi ntiyanagushimisha.”

Bavuga ko utubari tugiye kubasenyera tuba tumeze nk’aho ba nyir’urugo bari gufura ariko dufunguye kugira ngo abagabo binjire.

Ibi ngo binyuranye n’amategeko kuko ubusanzwe muri Kenya utubari twemerewe gufungurwa saa cyenda z’amanywa.

Nyambura avuga ko kuba abagabo batagikora akazi kabo mu buriri byatumye ingo zimwe zisenyuka ndetse abagabo bakaba ba ntibindeba. Barasaba Perezida, Uhuru Kenyatta kubafasha guhangana n’iki kibazo.

 

 

 

Izindi wakunda

Bwiza.com
error: Alert: Ntabwo byemewe!!