bwiza.com
Ahabanza » Abo bana bakeneye kwerekwa urukundo rwuzuye – Rev-nibintije
Ijambo ry'Imana Nibintije Evangelical Ministries International (NEMI)

Abo bana bakeneye kwerekwa urukundo rwuzuye – Rev-nibintije

Buri mwana akeneye kwerekwa ko akunzwe, kandi akeneye kwishyira akizana imbere y’ ababyeyi be. Imana yaduhaye inshingano yo gufata neza abana bacu niyo mpamvu ugomba guteganya umwanya wo kwereka abana bacu urukundo tubafitiye.
Uhagarariye Imana imbere y’ abana bawe.
Uko twifuza k’Umubyeyi wacu wo mu ijuru yatugirira ni nako n’ abana bacu babitwifuzaho,  uko twifuza ko Umubyeyi wacu wo mu ijuru atuganiriza niko natwe twagombye ku kaganira n’ abana bacu. Ibikorwa by’ urukundo twumva dukeneye buri munsi tubihawe n’ umubyeyi wacu wo mu ijuru ni byo abana bacu bakeneye kuri twe.
Abana bacu bakeneye kubona uburenganzira ( Haki) yabo imbere yacu. Uko ibibazo byaba bimeze hagati yacu nk’ ababyeyi mu muryango abana bakeneye kwerekwa urukundo.
Hari itegeko rimwe ku abakozi rivuga riti” IBIBAZO BYAWE (STRESS)by’ iwawe mu rugo ntukabizane mu akazi”  Natwe ibibazo byacu hagati y’ abo twashakanye ntitukabizane ku abana bacu bityo bibabuze uburenganzira.
Ababyeyi bafite ubunararibonye muri marriage yabo, bagerageza kwirinda ko abana babo babona ko hari ibitagenda. Umubyeyi akunda abana be yirinda ikintu cyabatera ibibazo (Divorce) kubera ko bishobora kwica ubwonko bw’ abana be, cyagwa bakabuzwa kubona urukundo ruturika ku ababyeyi babo bombi.
Kwereka abana ko ubakunze ntabwo bivuga kubagurira imyenda gusa, ntabwo bivuze kubahahira gusa kandi ntabwo bivuze kubarihira minervale cyangwa kubazanira   candy gusa , kubera ko hari n’ ibindi bakeneye bijyana n’ amarangamutima kuko ushobora kubibagurira ariko wataha bakabura amahoro bari bafite bakabura umunezero bari bakuye ku ishuri.
Ushobora kumbaza uti” Pastor aho nawe uri gukabya, ntabwo ndi kukabya kuko nanjye ndi umubyeyi kandi ibyo ndi kuvuga bya mbayeho. Hari igihe abana bacu batubona agahita bagira ubwoba nk’ uko umuntu abona inyamaswa imbere ye ije imusanga agatahwa n’ ubwoba.
Umwana wawe akeneye ko aguhobera  mu gihe yumvise uri guparika iyo modoka utashye, cyangwa akumvise uri gukoma k’ urugi utashye, akeneye guterurwa nawe, akeneye ku kwicaraho mwicaye muri salon. Akeneye ko umujyana mu udukino tugiye dutandukanye hamwe n’ abandi bana hanze.
Akeneye ko umubwira uti”ijoro ryiza agiye kuryama no kumuhobera (hug) byaba ngombwa ukamuha  KISS, ibyo kandi akaba abikeneye agiye nabwo ku ishuri ndetse anavuyeyo.
ABANA BAKENEYE KWEREKWA KO BITAWEHO KANDI KO BAKUNZWE.
Dufate umwanya wo kuba ababyeyi bita ku abana bacu. Biradusaba gutera ikirenge mu cy’ umubyeyi wacu mwiza wo mu ijuru.  Nkuko Imana yacu izi ibyo dukeneye twe abana bayo natwe niko tugomba kumenya ibyo abana bacu bakeneye kandi bituma babona ko bitaweho , Imana yaduhaye iyo nshingano  itwizeye kandi ibona ko tuzayishobora, bityo twirinde ibintu tugenda duhura nabyo buri munsi bya turangaza bikatuma tutaba ababyeyi beza.
Imana iguhe umugisha
Nibintije Evangelical Ministries International (NEMI)
+14123265034(WhatsApp)

Izindi wakunda

Bwiza.com