bwiza.com
Amakuru Politiki

Abana batanu bo mu muryango umwe bishwe n’inkongi y’umuriro

Abana batanu bo mu muryango umwe mu ijoro ryo kuri uyu wa Gatandatu, itariki 10 Kanama bahitanwe n’inkongi y’umuriro muri Kikwit, Umujyi wa kabiri w’Intara ya Kwilu, muri Repubulika iharanira Demokarasi ya Congo.

Usibye aba bana iyi nkongi yahitanye, biravugwa ko hari n’ibindi bintu byangiritse nk’uko iyi nkuru dukesha 7sur7.cd ikomeza ivuga.

Nk’uko ababibonye babitangaje, ngo iyi nkongi y’umuriro ngo yaba yahereye mu gikoni ihita ikwira byihuse aho abana batanu bari baryamye.

Undi mwana w’imyaka 15 yabashije kurokoka abandi barapfa. Umwe mu begereye uyu muryango wagize ibyago akaba asaba leta kuwufasha.

Amakuru kandi avuga ko abaturanyi batabaye bakabasha kugabanya ibyari kwangirika. Mu bana bapfuye ngo hakaba hari harimo babiri bari baje mu biruhuko bavuye I Kinshasa.

 

Izindi wakunda

Bwiza.com
error: Alert: Ntabwo byemewe!!