bwiza.com
Ijambo ry'Imana Nibintije Evangelical Ministries International (NEMI)

Kutubaha ni imbuto iduha umusaruro w’ ubusharire – Rev. / Ev. Eustache

Soma Imigani 8:13

Tugomba gutekereza gushyira ingufu mu kwanga ibintu byatuzanira ibibazo cyangwa bikadusubiza mu bibazo twahuye nabyo mu igihe cyashize. Tugomba gushyira ingufu mu kwanga umwanzi, wanga ibyo umubyeyi wacu ashyira imbere, ibintu bihora mu ibitekerezo bye.

Umukozi w’Imana Rev. / Ev. Eustache Nibintije, abinyujije muri Minisiteri ye y’ivugabutumwa yise “ Nibintije Evangelical Ministries” asigaye adufasha mu kugabura ijambo ry’Imana nkuko yamuhaye umuhamagaro ikamwuzuza ubwenge bwo kugira ngo agirire abantu benshi umumaro mu gihe gisa n’iki.

Mu bisanzwe ntabwo ushobora kwiyemeza kwinjira mu urugamba cyangwa mu mirwano bidatewe no kwanga ibintu runaka biri gukorwa bidakwiriye kugira ngo ubihagarike. Niba utari gusobanukirwa, uzasome ibitabo cyangwa wibarize abantu bavugwaho kubaha indashyikirwa mu gihugu cyawe ndetse no ku isi yose bitewe n’ uko bemeye kutirebaho, maze bakinjira mu imirwano kubera impamvu z’ ibintu byakorwaga bidakwiye abantu bazima kandi bazi Imana.

Bityo ntushobora kurwana udafite icyo uri kurwanira cyangwa icyo uri “kwanga” Fata umwanya utekereze ku urubyuruko rw’ abakobwa bacu bariguhura n’ ubuzima bushaririye ndetse bikabatera no gukuramo amada.Tekereza ku abasore bacu muri iki gihe bari kwicwa n’ibiyobyabwege ni bindi bintu biri kubangiza, bizagira ingaruka zo kuzabura abakozi b’ Imana bazadusimbura mu myaka iri mbere ,tukazabura abo tuzasiga bazafasha ubuvivi bwacu mu imiryango yacu, utibagiwe no kubura abanyabwenge baza simbura abo dufite bayobora igihugu cyacu.

Mu byigisho byatambutse naba bwiye ikiraza inkeke Satani bigatuma ahora akora recruitment y’ ingabo nyinshi akaziha mission yo gufata ubwenge by’ urubyiruko ariko aruhereye mu bwana kugira ngo arufate mpiri atangiriye gutuma batumvira Ababyeyi babo, kandi batibagiwe kugaba ibitero ku abakozi b’ Imana bamenye iyo migambi yayo mibisha. None ubu akaba abo yamaze kwifatira bakaba bakuze nabwo mu nzira yo kutubaha bagenzi babo ndetse n’ ubuyobozi n’ abagerageje kubaha bakabikora bashaka kwigaragaza bitabarimo , bikarangira bibinjije mu ubuzima bushaririye.

Mu myaka yashize ndi Lead Pastor ( Umushumba w’ Itorero) hari abantu cyane cyane baba mama iyo baba baje kundamutsa nkabona baciye bugufi cyane kuburyo banashaka gukoza amavi hasi. Ubwo naje kubitekereza kuko ntabwo nabyumva kandi ni nabwo bwa mbere nari mbibonye kuko mu igihugu ntaho nari bwabibone.

Ubwo mu ijoro rimwe ndyamye nibwo nagiye kubona mpawe igice n’ umurongo ngomba kwigishaho. Igihe cyo gusengera uwo murimo wo kugabura ijambo ry’ Imana umwaka wera arabwira ati “ KUBAHA BITANGIRIRA MU NZU IWAWE “ ubwo nahise menya message ngomba gutanga muri icyo gihe n’ umurongo nari nahawe.

Ubwo uwo munsi nigishije habonetse umusaruro uhahije cyane cyane ko Imana yari iri kugaya abamama yagaragaza kubaha abandi bantu ariko nti bubahe abagabo babo. Aho nabonye ubusobanuro byinshi n’ impuguro nyinshi zerekeye ko umugabo afite agaciro kakomeye imbere y’ umugore we kurusha Pastor.

Bivuga ko icyubahiro uha Pastor cyagombye gutangirira k’ umugabo wawe we, Pastor wo mu muryango wawe. Kandi burya Itorero ritangirira mu urugo iwawe. Kandi iyo wubashye umugabo wawe uba nawe uri kwiyubaha kuko Imana yabagize umubiri umwe. Niba ufite umutima wo guca bugufi no kubaha ntabwo ushobora kugera kwa Pastor wawe ugaca bugufi maze wagera k’ umugabo wawe ugatangira ku mubwiza inani na rimwe.

Turi kugenda duhura n’ ibibazo mu ubuzima bitewe ni imbuto twabibye yo kutubaha, nayo ikaduha umusaruro w’ ubusharire mu ubuzima bwacu. Ingo nyinshi ziri gusenyuka kubera ku tubahana, abana bari kwishora mu ibiyobyabwenge kubera kutumva inama z’ Ababyeyi ndetse n’ inama z’ abayobozi badushinzwe kutuyobora,

Abantu bari gufungwa mu magereza kubera kutubaba amabwiriza y’ubuyobozi. Dufate umwanya wo gufata umwanzuro wo kubaha, Tugende dutera intambwe ijya imbere tujya ku Imana ndetse no gukiranuka kuko tutazigera tubyicuza.

Imana iguhe umugisha…!

Nibintije Evangelical Ministries International (NEMI)

estachenib@yahoo.com

Izindi wakunda

Bwiza.com
error: Alert: Ntabwo byemewe!!