bwiza.com
Ahabanza » Mourinho agiye kugaragara nk’umusesenguzi w’imikino kuri Televiziyo
Amakuru Imikino

Mourinho agiye kugaragara nk’umusesenguzi w’imikino kuri Televiziyo

Ku nshuro ya mbere Mourinho aragaragara kuri televiziyo ya Sky Sports nk’umusesenguzi ku mukino uhuza Man U na Chelsea kuri iki cyumweru tariki 11 Kanama 2019

Umutoza Jose Murinho wari umaze iminsi ntakazi afite kuri ubu yamaze kukabona kuri tereviziyo yerekana imikino yo mu Bwongereza aho azajya akora nk’umusesenguzi w’imikino, kunshuro ya mbere aragaragara kumukino wa shampiyona uhuza Manchester United na Chelsea.

Mourinho yatoje amakipe ya Chelsea na Manchester United none agiye kugaragara asesengura kumukino ugiye guhuza aya makipe yombi muri situdiyo za televiziyo ya Sky Sport.

Uyu mukino uraba kuri iki cyumweru tariki 11 kanama. Mumagambo ye yagize ati” premier league (shampiyona y’abongereza) ni irushanwa ryihariye kuri nge risaba gukora cyane kugira ngo uryegukane kandi ntakugoheka hari imikino ya buri cyumweru.

“Sky Sports ni iwabo w’imikino ya Premier League (shampiyona y’abongereza) kandi ni ibyishimo kuri nge gukorana n’iyi kipe tugafashanya kumva no gusobanura ibiba kuri buri mukino, umupira w’amaguru ni umuhamagaro wagutse, uvuze byinshi kubafana ntegerezanyije ibyishimo kutanga umusanzu wange kumikino ya premier league kugeza igihe nzasubirira mu ubutoza.”

Josee Mourinho azaba afatanya n’ikipe y’abagabo bazwi mu mupira w’amaguru basanzwe basesengura kuri Sky Sports nka: Gary Neville, Jamie Carragher, Graeme Souness na Jamie Redknapp.

Emmanuel nsanzimana

Izindi wakunda

Bwiza.com