bwiza.com
Amakuru Politiki

Hagiye gutangizwa uburyo bwo guhangana n’abagabo babeshya abakobwa ko bazabashaka

Guverineri w’Intara ya Dar Es- Salaam, Paul Makonda atangaza ko hagiye gutangizwa uburyo bwo kurwanya abagabo bubatse babeshya abakobwa ko bazashyingiranwa nabo nyuma bakabivamo.

Makonda avuga ko hagiye kuzajya habikwa ibyemezo by’ugushyingirwa  kuri interinteri mu ntara ayoboye mu rwego rwo kugabanya umubare w’abakobwa babeshywaga n’abagabo bubatse.

Uyu muyobozi yabwiye abanyamakuru kuwa 13 Kanama ko  iki gikorwa azakimenyaho byinshi mu nama ya SADC izabera muri Tanzania. Avuga ko azavugana n’abandi bayobozi kugira ngo amenye uko bo bahanganye n’iki kibazo mu bihugu byabo.

Ati “  Uku kubika amakuru kuzatuma abakobwa batabeshywa. Umukobwa azajya ashaka gushyingiranwa n’umugabo ahite ajya kuri interineti amushakeho amakuru. Bizamufasha kumenya niba uwo mugabo yarashatse cyangwa niba atarashaka. “

Yakomeje agira ati “ Ibi nanone bizafasha abagore bashatse ku bijyanye n’abagabo barongoraga abagore ba kabiri rwihishwa.”

Avuga ko iki kibazo cyari kimaze kuba ingorabahizi mu mitima y’abakobwa, bashenguwe no gutegereza urushako bagaheba.

Izindi wakunda

Bwiza.com
error: Alert: Ntabwo byemewe!!