bwiza.com
Amakuru Ubuzima

Goma: Umubyeyi n’umwana we bari barwaye Ebola bavuwe barakira

Abarwayi babiri ba Ebola bari bamaze ibyumweru bigera muri bibiri bavurirwa mu Kigo kivura Ebola cya Goma, mu burasirazuba bwa Congo, batangajwe ko bakize iyi ndwara bakaba basubiye mu iwabo kuri uyu wa Kabiri, itariki 13 Kanama.

Ababishinzwe batangaje ko gukira kwabo kwatewe n’akazi ko kubakurikiranira hafi kakozwe n’itsinda ry’ubuvuzi ryabashije no gutahura no gukingira abantu bose bahuye nabo nk’uko iyi nkuru dukesha Radio Okapi ivuga.

Kuri Dr Jean-Jacques Muyembe, ngo gukira kw’aba barwayi ni ubutumwa ku baturage bose ba Goma n’ahandi ko Ebola ari indwara mbi cyane ariko ishobora gukira mu gihe abaturage bose babigira ibyabo kuyirwanya.

Esperance Nabintu ateruye umuhungu we w’umwaka umwe nyuma yo gukira Ebola

Nk’uko Dr Muyembe abitangaza, ngo aba barwayi batahuwe hakiri kare kuko umugabo yabanje gufatwa akamara iminsi icumi iwe akanduza umugore n’umwana w’umuhungu we ariko itsinda rishinzwe kurwanya Ebola rigahita ribimenya rikabajyana ku ivuriro bagatangira gukurikiranwa.

Yagize ati: “Twatanze ubuvuzi bwa ngombwa bukomeye none reba igihe gito babiri bakize. Ebola yica vuba kandi Ebola ikira vuba. Nibwo butumwa”. Yongeyeho ko bagiye  no kurinda Umujyi wa Goma bagenzura abantu bawinjiramo cyane cyane abaturuka Beni kugeza Butembo.

Izindi wakunda

Bwiza.com
error: Alert: Ntabwo byemewe!!