bwiza.com
Amakuru Imikino

Sugira yahesheje APR FC insinzi mu irushanwa rya gisirikare

Rutahizamu Sugira Ernest yafashije APR FC kwegukana amanota atatu mu mukino wa mbere yakinaga mu irushanwa ry’imikino ya gisirikare iri kubera mugihugu cya kenya.

Kuri uyu wa gatatu tariki 14 Kanama ni bwo ikipe ya APR FC yakinaga umukino wayo wa mbere n’ikipe y’ingabo ihagarariye Uganda mu irushanwa ry’imikino ya gisirikare ibera i Nairobi muri Kenya. Umukino warangiye ku nsitzi ya APR FC ku gitego kimwe ku busa (1-0).

Sugira yatsinze iki gitego yari amaze igihe kinini atabasha kureba mu izamu. Wari n’umukino wa mbere ku batoza bashya b’iyi kipe y’ingabo z’u Rwanda bayobowe na Muhamedi Adil.

Sugira Ernest yavuzeko yishimye kandi ko nyuma y’igihe atabasha gutsinda ubu bimwongereye imbaraga.
Ati: “ndishimye cyane igitego kiraryoha nari maze igihe ntabasha kubona igitego, ariko ubu ndizera neza ko bitangiye. Ibi binyongerera imbaraga ariko ni ugukomeza gukora cyane.”

Nyuma yo gutsinda uyu mukino iyi kipe ihagarariye u Rwanda irakomeza imyitozo, aho izongera kumanuka mu kibuga ikina umukino wa kabiri ku wa gatandatu tariki 17 Kanama.

Sugira Ernest watsinze igitego yaguzwe n’ikipe ya APR FC avuye mu ikipe ya AS Vita club yo muri Congo Kinshasa mu mwaka ushize wa 2018, ahita avunika amara umwaka adakina n’aho agarukiye ibitego bikomeza kuba iyanga.

Rwaabugiri Omar, Manzi Thiery, Mutsinzzi ange, Omborenga, Manishimwe Emmanuel, Niyomugabo Claude, Butera, Niyonzima Olivier Seif, Manishimwe Djabel, Byiringiro Lague na Sugira Ernest ni bo babanje mu kibuga.

Aba ni abafana ba APR FC i Nairobi
Ababanje mu kibuga

Nsanzimana Emmanuel

Izindi wakunda

Bwiza.com
error: Alert: Ntabwo byemewe!!