bwiza.com
Amakuru

Uganda: Icupa rya ‘Gaze’ ryishe babiri, 6 biganjemo abana barakomereka

Uyu wa 14 Kanama mu gace ka Mikka mu karere ka Wakiso, abantu babiri bishwe n’icupa rya gaze yifashishwa mu guteka ryaturitse, abandi 6 biganjemo abana barakomereka.

Ikinyamakuru The New Vision dukesha iyi nkuru kivuga ko abapfuye ari Tadeo Jagenda w’imyaka 51 y’amavuko na Suleiman Kinobe w’imyaka 73. Mu bakomeretse 6 harimo n’umwana w’amezi 6.

Serve Joshua w’imyaka 9, Catherine Nagoye w’imyaka 7, Timothy Kisuze w’imyaka 9, Maya w’amezi 6, Titus w’imyaka 6 na Nalukenge w’imyaka 40 ni bo bakomerekeye muri iyi mpanuka.

Umuvugizi wa polisi mu mugi wa Kampala, Luke Owoyesigyire yatangaje ko aba bakomerekejwe n’ibimene by’iri cupa. Bose bahise bajyanwa ku ivuriro rya Namayumba riri muri aka karere.

Polisi kandi yohereje umutwe ushinzwe ibiturika gutwara ibimene by’iri cupa kugira ngo bikorerweho iperereza.

 

Izindi wakunda

Bwiza.com
error: Alert: Ntabwo byemewe!!