bwiza.com
Amakuru Politiki Ubukungu

Amerika yananiwe guhagarika irekurwa ry’ubwato bwa Iran muri Gibraltar

Royal Marine patrol vessel is seen beside the Grace 1 super tanker in the British territory of Gibraltar, Thursday, July 4, 2019. Authorities in Gibraltar said they intercepted Thursday an Iranian supertanker believed to be breaching European Union sanctions by carrying a shipment of Tehran's crude oil to war-ravaged Syria. (AP Photo/Marcos Moreno)

Leta ya Gibraltar yarekuye ubwato bwa Iran, Grace 1, yari yarafashe muri Nyakanga ku bufatanye n’Ubwongereza, irenga ku busabe bwa Leta Zunze Ubumwe z’Amerika.

Ubu bwato bwafashwe kubera ko Iran yarenze ku bihano yari yarahawe n’Umuryango w’Ubumwe bw’Uburayi, ibwohereza kujyana amavuta muri Syria. Icyakoze Iran yo ntiyemeye ibyo yashinjwaga. Ubwongereza bwari bwatangaje ko burekura ubu bwato nibusubira muri Iran aho gukomeza inzira igana muri Syria.

Nyuma yo kumenya ko urukiko rwa Gibraltar rwanzura irekurwa ry’ubu bwato, Amerika yasabye ubwayo ko bwashyirwa mu maboko yayo aho kubwoherereza Iran. Ubu busabe bwari gutinza umwanzuro w’urukiko.

Gibraltar yarenze kuri ubu busabe ariko Amerika nta kintu yigeze itangaza nyuma yaho.

Iran imaze igihe ishyamiranye na Leta Zunze Ubumwe z’Amerika, icyumva ubusabe bwazo, yavuze ko ari igitutu cyangwa se iterabwoba rishyingiye ku bukungu zishyira kuri Gilbraltar.

Hamid Baeidinejad ahagarariye Iran mu Bwongereza. Yavuze ko ubwato bwiteguye kugenda, ndetse n’itsinda ribukoramo ryiteguye.

Irekurwa ry’ubu bwato ryaba impamvu y’umwuka mwiza wagaruka mu kigobe cya Hormuz. Iki kigobe ni cyo cyafatiwemo ubwato butwara amavuta bw’Ubwongereza n’ubu bukiri mu maboko ya Iran. Ubu bwato bwitwa Stena Impero bwafashwe n’igisirikare cya Iran kirwanira mu mazi ngo kuko bwishe amategeko agenga inzira zo mu mazi magari.

Ibi byatumye Ubwongereza bwohereza amato y’intambara ngo ajye aherekeza ubwato bwabwo busanzwe bunyura mu mazi y’iki kigobe, buteganya n’ubufatanye n’Amerika bwo gucunga umutekano muri aya mazi.

Ubufatanye bw’Amerika n’ibindi bihugu mu byo gucunga umutekano muri aka gace, Iran ibubona nk’uburyo bwo gushaka guhungabanya umutekano wako.

Byatumye Perezida wa Iran, Hassan Rouhani abwira Qatar, Turkiya na Pakistan ko kurinda iki kigobe kibahuje ari inshingano z’igihugu cye.

Kurekurwa k’ubu bwato kwatuma ubwa Stena Impero bwafatanywe n’ababukoreramo (crew members) burekurwa n’Ubwo impande zombi ziterura ngo zigire icyo zibivugaho.

Ubwato bwa Stena Impero na bwo bushobora kurekurwa mu gihe kiri imbere nk’inyishyu ya Iran ku Bwongereza

 

 

 

Izindi wakunda

Bwiza.com