bwiza.com
Amakuru Imikino

Liverpool vs Chelsea: Byasabye penaliti kugira ngo igikombe kibone nyiracyo-amafoto

UEFA Super Cup ni irushanwa rihuza ikipe yatwaye igikombe cya UEFA Champions League n’iyatwaye Europa League.

Livepool yatwaye Champions League (UCL), Chelsea itwara Europa Cup (UEL) mu mwaka w’imikino wa 2018/2019.

Amakipe yombi yakinanye ishyaka kuri iki kibuga cya VJK Vodafone Park muri Istanbul, ashaka iki gikombe. Byahiriye Chelsea ku munota wa 36 w’umukino ubwo Olivier Giroud yayitsindiraga igitego cya mbere.

Sadio Mane yishyuye iki gitego ku munota wa 48 w’umukino.

Iminota 90 n’inyongera byarangiye uku nguku, umutoza yongeraho agace kagizwe n’iminota 30 (extra time).

Ku munota wa 95, Sadio Mane yatsinze igitego cya kabiri, Liverpool igarura ikizere cyo gutwara iki gikombe ariko Jorginho wa Chelsea akishyura kuri penaliti hashize iminota 6 (ku munota w’101).

Aka gace na ko karangiye amakipe anganya 2-2, biba ngombwa ko penaliti ziterwa.

Liverpool yinjije penaliti zose uko ari 5, Tammy Abraham wa Chelsea wasimbuye Olivier Giroud ku munota wa 74 ahusha iya nyuma, izindi zari zinjiye.

Ni uku penaliti zatewe

Ababanje mu kibuga ku ruhande rwa Liverpool: Adrian San Miguel, Jo Gomez, Joel Matip, Virgil Van Dijk, Robertson, Henderson, Fabinho, Milner, Mo Salah, Sadio Mane na Alex Chamerlain.

Gusimburana: Roberto Firmino yasimbuye Chamberlain ku munota wa 46, Wijnaldum asimbura Milner ku wa 64, Arnold asimbura Robertson ku wa 90.

Chelsea: Kepa Arrizabalaga, Emerson, Zouma, Christensen, Azpilicueta, Kovacic, Jorginho, Kanté, Pulisic, Giroud na Pedro.

Yasimbuje: Tammy Abraham yasimbuye Giroud ku munota wa 74 , Mason Mount asimbura Christian Pulisic ku wa 74, Fikayo Tomori asimbura Andreas Christensen ku wa 85.

Muri rusange, Liverpool yarangije umukino ikinira ku mpuzandengo ya 57 %, Chelsea iri kuri 47 %.

Liverpool yahererekanyije imipira 699, Chelsea iharerekanya 632.

Kuri Liverpool, abakinnyi bahanahanye imipira igera kuri bagenzi babo ku kigero cya 82 %, Chelsea yo byageze kuri 81 %.

Giroud ni we wafunguye amazamu
Sadio Mane yatsinze ibitego bibiri mu mukino
Adrian yari amaze gukuramo penaliti ya Tammy Abraham
Liverpool yazamuye igikombe
Aba ni bo bayoboye umukino

 

Izindi wakunda

Bwiza.com
error: Alert: Ntabwo byemewe!!