bwiza.com
Amakuru mashya

Icyo u Rwanda ruteganya ku igurwa ry’ubwoko bw’indege yahitanye abasaga 346

U Rwanda rutangaza ko rucyifashe ku ngingo yo kugura indege yo mu bwoko bwa Boeing 737 Max rwateganya kugura.

U Rwanda rurasinonwa nyuma y’aho ubwoko bw’iyi ndege bwakoreshwaga na Kompanyi zo muri Ethiopia na Indonesia buhitanye abantu  346 mu mpanuka.

U Rwanda ruvuga ko bisaba gutegereza kugira ngo Kompanyi ya Boeing ikora ubwoko bw’izi ndege ikosore ibibazo ya tekiniki ndetse inatange amahugurwa ahagije ku mutekano n’imikoreshereze yazo.

Minisitiri w’Ibikorwaremezo w’u Rwanda, Claver Gatete yabwiye itangazamakuru ko bategereje ko hagira igikosorwa.

Ati “  Twashatse kugura indege zo mu bwoko bwa 737 Max, za zindi muzi zigira ibibazo. Twe dutegereje ko ibi bibazo bikemuka.”

Minisitiri Gatete yavuze ko  mu gihe ibi bibazo bikiriho, bari kureba uko babona indege nini zo muri Burazili cyangwa ahandi ku Isi.

Ibi biravugwa mu gihe indege zo mu bwoko bwa Boeing Air Max u Rwanda rwari rwaratumije byari biteganyijwe ko zari kuba zarageze mu Rwanda muri Mata uyu mwaka.

Hagati aho Gatete ntiyerura ikigamijwe ku kuba u Rwanda rwaretse indege zo mu bwoko bwa Boeing, rukaba rwifuza gukoresha izikorerwa muri Burazili.

Ibi bibaye mu gihe u Rwanda rwamaze kugirana amasezerano na Burazili mu bijyanye n’ubwikorezi bwo mu kirere.

 

 

 

Izindi wakunda

Bwiza.com