bwiza.com
Iyobokamana Nibintije Evangelical Ministries International (NEMI)

Sobanukirwa ibanga rihishe mu ukubaha urwego rw’ ubuyobozi – Rev. Nibintije

Umukozi w’Imana Rev. / Ev. Eustache Nibintije, abinyujije muri Minisiteri ye y’ivugabutumwa yise “ Nibintije Evangelical Ministries” asigaye adufasha mu kugabura ijambo ry’Imana nkuko yamuhaye umuhamagaro ikamwuzuza ubwenge bwo kugira ngo agirire abantu benshi umumaro mu gihe gisa n’iki.

Abaheburayo 13:17

“Mwumvire ababayobora kandi muganduke, kuko bakomeza kuba maso barinda ubugingo bwanyu nk’ abazabibazwa, kugira ngo babikore bishimye, aho kubikora basuhuza imitima, kuko ari mwe byagiraho ingaruka mbi.”

Dutekereze ko uko byaba bimeze akagali kacu, umurenge wacu, intara yacu ni igihugu cyacu nta muyobozi bifite. Dutekereze uko byaba bimeze aho dukora nta boss uhaba. Dutekereze uko byagenda ingabo z’ igihugu cyacu nta muyobozi zifite. Imana yagiye ishyiraho inzego z’ ubuyobozi.

Umudiyakoni uhagarariye abakristo bagace runaka, Mwarimu uhagarariye umudugudu, Pastor uhagarariye i Torero, umugabo uyobora urugo rwe, umukoresha uhagarariye abandi bakozi muri kampuni. Ubwo buryo bwose Imana yabushyizeho kugira ngo tubuhe agaciro , kandi twubahe uhagarariye urwego runaka. Uyu munsi nagira ngo twibukiranye ko tugomba kugira umuco wo kubaha.

Kandi uwo muco wo kubaha ntahandi ugomba gutangirira, mu kubaha ubuzima urimo uyu munsi uko bwaba bumeze kose. Ijambo ry’ Imana riravuga ko udashobora gukunda Imana utabanje gukunda mugenzi wawe. Nanjye uyu munsi wa none nyobowe n’ umwuka w’ Imana, reka mvuge ko niba udashobora kubaha umuyobozi Imana yagushyize imbere utubashye ubuzima bwawe. Niba tutiha agaciro ntushobora kugaha abandi. ( iyo ni principe y’ ubuzima)

UBAHA UBUZIMA BWAWE URIMO

Yosefu yarabikoze arabwubaha ndetse arabwihanganira birangira abaye “Ministeri w’ Intebe” kandi mu gihugu kitari cye. Dawidi yarabikoze. Arabwiha kandi abuha agaciro ava mu kuragira intama za se yinjira i bwami aba “ Umwami “ Kubaha uburyo bw’ ubuyobozi urimo igihe cyose biba bihishemo ibanga rizatuma uzamurwa mu intera ( hidden secret to promotion).

Imana idushoboze…!

Nibintije Evangelical Ministries International (NEMI)

estachenib@yahoo.com

+14123265034(WhatsApp)

Izindi wakunda

Bwiza.com