bwiza.com
Amakuru Ubuzima

RDC: Abaturage ba Mwenga bavuga ko batemererwa kwinjira ku butaka bw’u Rwanda

Abaturuka ku bataka bwa Mwenga muri Repubulika Iharanira Demukarasi ya Congo bavuga ko ubu batemererwa kwambuka imipaka ihuza iki gihugu n’u Rwanda.

Mwenga ni yo iherutse gutangazwamo  abarwayi babiri ba Ebola muri Bukavu ho mu ntara ya Kivu y’Amajyepfo.

Ijwi rya Gislain Watongoka, umunyamakuru wa Radio na Televiziyo ya Ngoma ya Kivu (RTNK)  mu nkuru ya Actualité.CD: ” Nta kwinjira mu Rwanda uturuka muri Mwenga, n’ubwo waba uvuye mu Burundi. Ndi muri Uvira, ntagereje ko imodoka yuzura ariko birangoye kuko nari ndi ku mupaka wa Ruhwa. Nasubijwe inyuma, nza muri Uvira kugira ngo ntegereza ko imodoka ijya muri Bukavu inyuze muri Ngomo yuzura.”

Ku mipaka ya Rusizi 1 na Rusizi 2 na ho ngo ni ko bimeze kuko abaturage ba Mwenga basubijwe inyuma n’abashinzwe abinjira n’abasohoka.

Espérance Mukambilwa ni uwo muri Mwenga ariko aba i Bukavu ku mpamvu z’ubucuruzi. Ubusanzwe ngo yinjira mu Rwanda aciye ku mupaka wa Rusizi.

” Kuva mu gitondo, abashinjwe abinjira n’abasohoka ntibemera ko abaturutse muri Mwenga binjira mu Rwanda. ”

Ku wa 16 Kanama ni bwo ubuyobozi bw’intara ya Kivu y’Amajyepfo bwatangaje ko abantu babiri basanzwemo ubwandu bwa Ebola muri Mwenga; barimo umugore n’umwana we. Nyuma uyu mugore yaje gupfa, umwana we arakitabwaho.

Izindi wakunda

Bwiza.com