bwiza.com
Amakuru Ubuzima Utuntu n'utundi

Mu gihe gito umutima w’umuntu uzajya usimbuzwa uw’ingurube-Ubushakashatsi

Umuhanga mu gusimbuza ingingo z’umubiri w’umuntu mu Bwongereza yatangaje ko mu myaka itatu, umutima w’ingurube uzajya usimbura uw’umuntu.

Yitwa Sir. Terence English. Kuri uyu wa 18 Kanama, yatangarije The Telegraph ibi mu birori by’isabukuru y’imyaka 40 amaze asimbuje umutima Keith Castle (yabikoze mu 1979) bigakunda. Ibi birori byateguwe n’ibitaro bya Papworth Terence yakoreyemo igihe kirekire mbere y’uko asezera ku mpamvu y’izabukuru.

Yatangije umushinga wo gusimbuza impyiko y’umuntu iy’ingurube. Avuga ko mu mpera z’uyu mwaka umushinga we uzatanga umusaruro muzima.

” Uyu mushinga nukunda, bizaba bishoboka cyane gusimbuza n’umutima w’umuntu uw’ingurube. Ku mpyiko nibikunda, no ku mutima bizakunda. ” Terence w’imyaka 87 y’amavuko.

Uyu muganga avuga ko burya imikorere y’ingingo z’umuntu hari aho ihuriye n’iy’ingurube ku buryo byakoroha kubyaza aya mahirwe ubuvuzi.

Ikinyamakuru cyitwa Nature cyatangaje ko hari utunyangingo ndangasano (genetic materials) twitwa microRNA-199 twashyizwe mu ngurube. Nyuma y’ukwezi, izi ngurube zari hafi gukira ariko binanirana bigeze ku ndunduro. Aba baganga ngo bageze aho ntibakomeza gukurikirana igikorwa.

Itsinda ry’abaganga mpuzamahanga, harimo n’abaturutse mu Bwongereza babonye ko akanyangingo ka microRNA-199 k’ingurube gafite byinshi gahuriyeho n’ak’umuntu.

Ubu buryo buramutse bukunze, bwakunganira ubusanzwe bukoreshwa nka Angioplasty Stent, Coronary Artery Bypass Graft Surgery, Heart Valve Surgery, Pacemakers na Holy Grail ku bafatwa n’umutima (heart attack) n’abagira umuvuduko w’amaraso.

Izina rya Sir Terence English ryarogeye mu buvuzi no kubaga imitima

Izindi wakunda

Bwiza.com