bwiza.com
Amakuru Imikino

Umwenda wa Siporo Obama yambaraga akiri mu mashuri wagurishijwe asaga miliyoni 100

Umwenda wa Siporo, Barack Obama wahoze ari Perezida wa Leta zunze Ubumwe za Amerika, yambaraga akiri mu mashuri yisumbuye, wagurishijwe akayabo ka Miliyoni zibarirwa mu 110.

Ni umwambaro Obama yambaraga akina umukino wa Basketball, ubwo yigaga  mu ishuri ryisumbuye rya Honolulu, akaba ari no mu gace yavukiyemi, ko muri Leta ya Hawai.

Ikinyamakuru Foxnews gitangaza ko uyu mwambaro waguzwe 17 Kanama 2019, ariko umunyamerika wawuguze ntiyifuje ko amenyekana.

Inzu ‘Heritage Auctions’ yagurishije uyu mwambaro yatangaje ko waguzwe  120.000 by’Amadolari ya Amerika, mu Manyarwanda akaba ahwanye na 110,028,982.

Iyi nzu yagurishije uyu mwenda ngo Obama yambaraga mu 1978-79, yatangaje ko yawuhawe n’uwitwa Peter Noble, wigaga inyuma ya Barack Obama ho imyaka itatu.

Noble w’imyaka 55 y’amavuko akaba atuye mu mujyi wa Seattle, yatangaje ko uyu mwenda w’iserengeri ya siporo ifite nimero 23 yawutoraguye ugiye kujugunywa mu myanda.

Barack Obama w’imyaka 58 y’amavuko,  ni umunyapolitiki wabaye icyamamare cyane kuva aho atsindiye amatora akaba Perezida wa USA kuva mu 2009-2019. Uyu munyapolitiki azwi nk’ukunda umukindo wa Basketball by’umwihariko akaba ari n’umuterankunga w’ikipe yo muri Amerika, White Sox ikina baseball.

 

 

 

Izindi wakunda

Bwiza.com