bwiza.com
Amakuru Imikino

Didier Drogba na mugenzi we barashaka kuyobora ishyirahamwe ry’umupira w’amaguru

Umunya-Côte d’Ivoire wabaye ikirangirire mu mupira w’amaguru, Didier Yves Tébily Drogba na Bonaventure Kalou barashaka kwiyamamariza umwanya wa perezida w’Ishyirahamwe ry’umupira w’amaguru muri iki gihugu, FIF.

Drogba w’imyaka 41 y’amavuko yakiniye Chelsea, anayifasha gutwara igikombe cya UEFA Champions League mu 2012. Yatangaje ko azatanga ibisabwa kugira ngo aziyamamarize uyu mwanya mu mpera z’uyu mwaka w’2019.

” Ni ingenzi kuri nge kandi mbitekerezaho cyane. Umupira wo muri Côte d’Ivoire ndawuzi. Ntabwo ndafata umwanzuro ariko ninuzuza ibisabwa nta kabuza.” Ni mu kiganiro Drogba yagiranye na Radio mpuzamahanga y’Abafaransa, RFI.

Yujuje ibisabwa kandi yazahatana na Bonaventure Kalou, (mukuru wa Salomon Kalou ukinira Hertha BSC mu Budage) bakinanye mu ikipe y’igihugu , ubu akaba ari Meya w’akarere ka Vavoua. Bazahatana kandi na Augustin Sidy Diallo, perezida w’iri shyirahamwe kuva mu 2011.

Bonaventure Kalou ubu ni Meya wa Vavoua

 

 

Izindi wakunda

Bwiza.com