bwiza.com
Amakuru Mu mashuli

Kaminuza ya CHUR yadabagije abazayigamo mu mwaka w’amashuri 2019

Kaminuza ya Christian University of Rwanda (CHUR) yashyizeho umwihariko ku biyandikisha kuyigamo uyu mwaka w’amashuri wa 2019/2020 mu mashami yayo yose.

Iyi kaminuza ifite ikicaro gikuru mu Mujyi wa Karongi, ikagira amashami mu Mujyi wa Kigali (Saint Paul), itangaza ko kwiyandikisha byatangiye ku bazangira kwiga muri Nzeri 2019.

Umwihariko ku bazatangira amasomo muri uyu mwaka ni uko bazigishwa amasomo y’icyongereza umwaka umwe kandi bakazahabwa impambyabushobozi (Certificate) yo ku rwego mpuzamahanga.

Ushinzwe kwandika abanyeshuri, Dieudonne Hakizimana yatangarije Bwiza.com ko uretse kuba batanga impamyabumenyi mu mashami akenewe cyane ku isoko ry’umurimo, basanze ari ngombwa ko bongeramo icyongereza, kugira ngo abize muri iyi kaminuza bace ukubiri n’imbogamizi y’ururimi.

Ati “  Ubu ngubu abanyeshuri bose bazatangirana no kwiga icyongereza mu buryo buri professional. Tuzabaha impamyabushobozi y’icyongereza irimo ubufatanye na British Council.”

Uyu muyobozi avuga ko amafaranga y’ishuri atigeze ahinduka ku biga mu bihe bitandukanye.

Ati “ Ibisanzwe byo ni uko minerivali yacu ari nkeya. Ni ibihumbi 400,000Rwf ku mwaka  waba wiga nijoro, ku manywa, cyangwa muri wikendi. Dutanga impamyabumenyi mu mashami yose twigisha mu gihe cy’imyaka itatu.”

Kaminuza ya CHUR yatangiye gutanga amasomo mu 2016 mu Karere ka Karongi ifite abanyeshuri 100. Kuri ubu ifite abanyeshuri basaga 2,000 biga mu mashami anyuranye.

Muri aya mashami  harimo iry’Ubumenyi n’Ikoranabuhanga , Ubuhinzi n’iterambere ry’Icyaro, Ubucuruzi n’Ishoramari, Uburezi, Indimi  n’Ubumenyamuntu.

Ku bashaka kwiyandikisha muri iyi kaminuza cyangwa gusaba ibindi bisobanuro, bahamagara kuri izi nimero haba i Karongi no mu Mujyi wa Kigali.

Bashobora kandi kubandikira kuri email no kubasura ku rubuga rwabo.

 

 

 

Izindi wakunda

Bwiza.com