bwiza.com
Amakuru Ubutabera Ubuzima Utuntu n'utundi

USA: Umunyakenya yakatiwe azira gufata ku ngufu umukecuru w’imyaka 74

Anthony Mamboleo Nyakeo wari umuvuzi muri Leta Zunze Ubumwe z’Amerika yakatiwe igifungo cy’ubuzima bwe bwose nyuma yo guhamwa n’icyaha cyo gufata ku ngufu umukecuru w’imyaka 74 y’amavuko wari ufite uburwayi bwo kwibagirwa.

Umuvuzi witaga kuri uyu mukecuru  wari urwariye mu ivuriro rya Woodridge Health and Rehabilitation Center yasanze mu mwambaro w’imbere harimo amaraso, akeka Nyakeo kuba inyuma y’aya mahano. Hakurikiyeho ikizamini cyari kigamije kureba niba koko ari we wabikoze.

Kuri uyu wa 22 Kanama, ibyavuye mu bizamini by’amaraso (DNA Test Result) byagaragaje ko amaraso ya Nyakeo ahura neza n’ayo basanze kuri uyu mukecuru.

Aya mahano Nyakeo yayakoze mu 2018. Urukiko rwavuze ko uyu mukecuru wapfuye azize iyi ndwara yibasira ubwonko mu 2018, atashoboraga kuvuga, ntiyigaburiraga cyangwa ngo yiyoze.

N’ubwo Nyakeo yakatiwe, avuga ko hari umuntu wafashe amaraso ye ayavanye mu gakingirizo yakoresheje maze ayajyana kuri uwo mukecuru. Yemera ko icyo yakoze ari ukumujyana mu rwogero n’aho barira.

Ubushinjacyaha buvuga ko Nyakeo yagerageje gufata ku ngufu na bagenzi be bakoranaga, ndetse yanashatse kuva muri Texas ubwo iperereza ryamukorwagaho. Bunavuga ko yasabye bagenzi be kubeshya urukiko kugira ngo icyaha kitamuhama.

Ibiro by’ubushinjacyaha bya Tarrant muri Texas buvuga ko abavuzi b’abagabo bakorera muri iri vuriro batanze amaraso yabo kugira ngo apimwe, aya Nyakeo yonyine ni yo yahuye n’ayari kuri uyu mukecuru.

Nyakeo akatiwe nyuma y’aho undi munyakenya yakatiwe igifungo cy’ubuzima bwose nyuma yo kwica abakecuru 11.

The Citizen TV/Kenya

Izindi wakunda

Bwiza.com