bwiza.com
Ahabanza » Ntabwo dukubitwa urushyi ngo dutange undi musaya. Nta mbabazi tubisabira – Yolande Makolo
Amakuru Featured Politiki

Ntabwo dukubitwa urushyi ngo dutange undi musaya. Nta mbabazi tubisabira – Yolande Makolo

Yolande Makolo, Umukozi muri Perezidansi y’u Rwanda, aratangaza ko u Rwanda rudashobora gukubitwa urushyi ngo rwongere ruhindukize undi musaya ubwo yagiraga icyo avuga ku ifungwa rya bimwe mu binyamakuru byo muri Uganda ryakurikiye ifungwa rya bimwe mu binyamakuru byo mu Rwanda muri Uganda.

Nyuma y’umunsi umwe havuzwe ko hari bimwe mu bitangazamakuru bitangira amakuru kuri internet byo mu Rwanda byafunzwe ku butaka bwa Uganda, ubu no ku muntu uri mu Rwanda hari bimwe mu bitangazamakuru byo muri Uganda adashobora gufungura aciye kuri internet.

Ibyo birimo ikinyamakuru The New Vision, Daily Monitor, Chimpreports n’ibindi.

Amakuru agaragara ku mbuga nkoranyambaga na bimwe mu bitangazamakuru bikorera kuri internet aremeza ko haba hari imbuga zitangira amakuru kuri internet za Uganda zaba zafunzwe zidafunguka ku muntu uri ku butaka bw’u Rwanda.

Mu bivugwa ku isonga harazamo Nilepostnews, New vision, Softpowernews, Chimpreports  n’izindi.

Ibi bibaye mu gihe kuri uyu wa Kane na bwo hakwirakwiye amakuru avuga ko ikinyamakuru The New Times na Igihe.Com bitafungukaga ku bantu bari ku butaka bwa Uganda.

Abinyujije ku rukuta rwe rwa twitter, Umukozi  mu biro by’umukuru w’igihugu cy’u Rwanda, Yolande Makolo asubiza ababazaga impamvu zimwe muri izo mbuga zitarimo gufunguka yagize ati “Bantu mwese mwagombye kumenya itandukaniro riri hagati y’impamvu n’ingaruka”. Ati “Ntabwo dukubitwa urushyi ngo dutange undi musaya. Nta mbabazi tubisabira”.

Ibi bikomeje kuba mu gihe ku wa Gatatu ushize abayobozi b’ibihugu byombi, Perezida Paul Kagame w’u Rwanda na Perezida Yoweri Kaguta Museveni wa Uganda bahuriye I Luanda muri Angola bagashyira imikono ku masezerano yerekeza ku guhosha icyuka kibi kimaze iminsi cyumvikana hagati y’ibi bihugu bituranyi byamye bisangira akabisi n’agahiye.

Ibiri kuba birakomeza gutera ugushidikanya ku iyubahirizwa ry’amasezerano aherutse gusinywa hagati ya Kigali na Kampala.

 

Izindi wakunda

2 Ibitekerezo

Hesron 24/08/2019 8:55 pm at 8:55 pm

Ibyo uvuze ndabishyigikiye 100%. Muzifunge kugeza ubwo bazumva ko turi abantu bakuze.

Subiza
Salus 25/08/2019 4:58 pm at 4:58 pm

Ibi bigaragaza itandukaniro ryo muri Africa na Europe kabisa. Ariko se twagiye twiga. Ko u Rwanda rwigeze kwirukana ambassador wa France i Kigali, mwigeze mubona France yirukana ambassador wacu i Paris.
Mu Rwanda dufite imigani mwiza itanga ubutumwa ariko nta somo tuyikuramo. Urugero: Uwitonze akama ishashi, cg se Uwitonze atema inyoni.
Ubwo rero dushatse twagenda gahoro ntibyazatuma tutagera ku ntego. Aho kugoreka n’Ijambo ry’Imana rivuga ngo: Umuntu nagukubita urushyi mu musaya umwe, uzamuhe n’undi!

Subiza

Tanga Igitekerezo

Bwiza.com