bwiza.com
Amakuru Umutekano Utuntu n'utundi

Kenya: Abaturage n’abatwazi ba moto batwitse imodoka ya polisi-amashusho

Abaturage n’abatwazi ba moto ba Kirinyanga muri Kenya batwitse imodoka ya polisi nyuma y’impanuka yabaye igatwara ubuzima bw’abantu babiri, undi agakomereka.

Iyi mpanuka yabaye ubwo iyi modoka yagonganaga na moto yari itwaye abagenzi babiri, umutwazi n’umugenzi umwe barapfa. Undi wakomeretse cyane ari mu bitaro bya Kerugoya.

Alfred Ng’eno wungirije uhagarariye polisi mu gashami ka Gichugu avuga ko iyi moto yari ku muvuduko ukabije yakurikiraga indi modoka yari imbere, ari bwo yagonganye n’iyi modoka yayo byari mu merekezo atandukanye. Ahamya ko uyu mutwazi wa moto yari yanasinze.

Ibi byateye abaturage ndetse n’abatwazi ba moto umujinya, bahuka iyi modoka, barayitwika. Icyakoze polisi na yo itangaza ko yatangiye gushaka abakoze iki gikorwa kandi ikavuga ko amazina y’abagikoze iyafite. Yemeza ko abarafatwa barahita bafungwa.

The Citizen TV/Kenya

Izindi wakunda

Bwiza.com