bwiza.com
Amakuru Imikino Utuntu n'utundi

UCL Play-offs: Abafana bazanye igifaru ku kibuga-amafoto

Mu mukino wa kabiri w’amajonjora ya shampiyona y’amakipe yabaye aya mbere iwayo ku mugabane w’i Burayi (UEFA Champions League), abafana ba Crvena Zvezda izwi nka Red Star Belgrade bazanye igifaru ku kibuga.

Ni umukino Red Star yo muri Serbia yakiramo Young Boys yo mu Busuwisi nyuma yo kunganya ibitego 2-2 mu cyumweru gishize.

Iki gifaru abafana bahagaritse hanze y’ikibuga (stade) ngo yakoreshejwe na Yugoslavia yayoborwaga na Serbia mu ntambara yarwanyemo na Croatia muri za 90. Giherereye mu ruhande rw’amajyaruguru y’ikibuga, rubamo abafana cyane (hooligans). Gisizwe amarangi yera n’atukura ari na yo aranga ikipe ya Crvena Zvezda.

The Sun ivuga ko Minisitiri w’umutekano w’imbere muri Serbia, Nebojsa Stefanovic yavuze ko iki gifaru ari igikangisho kidashobora kurasa, iyi kipe na yo ikavuga ko ari ikimenyetso kijyanye n’intero yayo, ibitangazamakuru byo muri Croatia byahamagariye Ishyirahamwe ry’Umupira w’amaguru ku mugabane w’i Burayi gukurikirana iki kibazo kuko ngo ni ubushotoranyi.

 

Izindi wakunda

Bwiza.com