bwiza.com
Imikino

Real Madrid irahabwa amahirwe yo kwegukana Neymar mu gihe Barcelona byayinaniye

Ikipe ya Paris Saint Germain (PSG) yanze miliyoni 118 z’amapawundi n’inyongera y’abakini batatu kugira ngo yegukane rutahizamu, Neymar Jr. Ibi biraha amahirwe mukeba, Real Madrid yahise itangira gushaka uko yakwegukana uyu Munya-Brazil.

Barcelona yemeraga gutanga aka kayabo ikongeraho n’intizanyo y’umwaka umwe ya Ousmane Dembele no kwegukana burundu, Ivan Rakitic na  Jean-Clair Todibo nk’uko  Mundo Deportivo ibitangaza.

Dailymail Sport dukesha iyi nkuru ivuga ko ibiganiro byimbitse bimaze iminsi ibiri hagati y’impande zombi, ntacyo byatanze kugira ngo Neymar yerekeze muri FC Barcelona.

PSG ivuga ko ikeneye miliyoni 198 z’amapawundi yatanze kuri uyu mugabo mu myaka ibiri ishize.

Ibinyamakuru byo muri Esipanye bivuga ko kuba Barcelona yashwishwirujwe, biha amahirwe mukeba Real Madrid.

Biravugwa ko Real Madrid bitarenze kuwa 2 Nzeri izaba yamaze kugerageza amahirwe yayo ku kuba yakwegukana, Neymar Jr.

 

Izindi wakunda

Bwiza.com