bwiza.com
Amakuru Imikino

Umukinnyi wa UEFA 2018/2019: Van Dijk ahigitse Messi na Ronaldo

Umuholandi ukinira Liverpool FC, Virgil Van Dijk ni we wegukanye igihembo cy’umukinnyi w’umwaka UEFA ahigitse Lionel Messi na Cristiano Ronaldo bahataniraga uyu mwanya.

Iki gihembo gishingira ahanini ku myitwarire y’umukinnyi mu irushanwa rya UEFA Champions League. Byashingiwe ku y’umwaka w’imikino wa 2018/2019. Ryaranzwe n’ishyaka ku makipe abenshi batahaga amahirwe yo kuyitwara kubera ko yari amaze  igihe kinini adahatana cyane. Habaye kwigaragaza kw’amakipe nka za Ajax Amsterdam ndetse biba akarusho ku makipe yo mu Bwongereza.

Liverpool na Tottenham ni yo makipe yageze ku mukino wa nyuma, birangira Liverpool yegukanye iki gikombe ku nshuro ya 6.

Kugira ngo iyi kipe itware iki gikombe, byasabye imbaraga nyinshi abakinnyi bayo nk’umuzamu Allison Becker, myugariro Virgil Van Dijk, abasatirizi nka Sadio Mane na Mohamed Salah ndetse na buri mukinnyi wahawe umwanya agakina kuva ku mukino wa mbere kugeza ubwo batwaraga igikombe batsinze Tottenham 2-0.

Ibi byahesheje abakinnyi nka Virgil Van Dijk kugaragara mu bakinnyi batatu bahatanira igihembo cy’umukinnyi w’umwaka wa UEFA 2018/2019. Abandi babiri ni Lionel Messi na Cristiano Ronaldo.

Ariko mbere y’ibi byose, kuri buri mwanya ugaragara mu kibuga (umuzamu, myugariro, uwo hagati n’umusatirizi) hagomba kubonekamo umwe umwe witwaye neza, agahabwa igihembo.

Ni ko byagenze. Aba ni bo bakinnyi bahawe ibihembo kugeza magingo aya:

  • Umuzamu mwiza: Allison Becker wa Liverpool FC.
  • Myugariro mwiza: Virgil Van Dijk wa Liverpool FC.
  • Umukinnyi wo hagati: Frenkie De Jong wa FC Barcelona (Yahoze akinira Ajax Amsterdam).
  • Umusatirizi: Lionel Messi wa FC Barcelona.

Izindi wakunda

Bwiza.com