bwiza.com
Amakuru Imikino

Kwizera Pierro ashobora kwisanga muri Musanze akaba umukinnyi uhenze isinyishije

Kwizera Pierrot umukinnyi ukina hagati izina rye ryamenyekanye cyane mu Rwanda akinira Rayon Sports, nyuma yo kuva mu gihugu cy Oman aho yakinaga biravugwa ko ashobora kwerekeza muri Musanze FC aho byitezweko yajya ahembwa menshi kurusha abandi bose muri iyo kipe.

Bitangazwa ko ibiganiro bigeze kure hagati ya Musanze FC na Kwizera Pierrot ukinira ikipe y’igihugu y’u Burundi nyuma yo kuva muri Oman aho yakinanaga na Diara banabanye muri Rayon Sports.

Uyu mukinnyi wari umaze iminsi ku mugabane wa Asia, amaze iminsi mu Burundi ndetse ari mu bakinnyi bahamagawe mu ikipe y’igihugu izahura na Tanzania mu ijonjora rya mbere ryo gushaka itike y’Igikomb cy’Isi cya 2022 kizabera muri Qatar.

Umwe mubahamije ibiganiro biri gukorwa hagati ya Pierro na Musanze yagize ati” Ni byo Pierrot ari kuganira na Musanze FC kugira ngo aze kuyikinira ndetse n’ubu ni ho yaraye. Ibiganiro bigeze nko kuri 70% nta gihindutse araza gusinya nibumvikana.”

Kwizera Pierrot yavuye mu Rwanda mu 2018 nyuma yo kutongera amasezerano muri Rayon Sports, yerekeza muri Al Oruba Sur Sports Club yo muri Oman.

Musanze Fc ni ikipe ibarizwa mu majyaruguru y’uRwanada mu Karere ka musanze ikaba iterwa inkunga naka Karere.

Izindi wakunda

Bwiza.com