bwiza.com
Featured Politiki

Perezida Kagame yakoze impinduka mu buyobozi bw’ingabo

Perezida wa Repubulika y’u Rwanda, Paul Kagame akaba n’Umugaba w’Ikirenga w’ingabo, kuri uyu wa Mbere tariki ya 2 Nzeri 2019, yakoze impinduka mu buyobozi bw’Ingabo.

Mu itangazo rigenewe abanyamakuru Minisiteri y’ingabo yasohoye, rivuga ko;

1.Maj Gen Emmanuel Bayingana yagizwe umugaba w’ingabo zirwanira mu kirere, akaba yasimbuye Maj. Gen. Charles Karamba uherutse kugirwa ambasaderi muri Tanzania.

2.Brig Gen Vincent Nyakarundi yagizwe umuyobozi w’ishami ry’ingabo z’u Rwanda(RDF) rishinzwe iperereza. Uyu akaba yari asanzwe ari Umujyanama wihariye mu bya gisirikare (Defence Attaché) muri Ambasade y’u Rwanda muri Leta Zunze Ubumwe za Amerika na Canada.

3. Col Andrew Nyamvumba yagizwe umuyobozi mukuru w’ishami rishinzwe ubushakashatsi mu bya gisirikari muri minisiteri y’ingabo.

Izindi wakunda

Bwiza.com