bwiza.com
Amakuru Imikino

Umusaruro w’isoko ry’igura n’igurisha ry’abakinnyi ku mugabane w’i Burayi

Tariki ya 2 Nzeri ni wo munsi isoko ry’igura n’igurisha ry’abakinnyi ryafunze ku mugabane w’i Burayi. Abakinnyi nka Mauro Icardi na Kaylor Navas bisanga muri Paris Saint Germain yo mu Bufaransa.

Bamwe mu bakinnyi bahabwaga amahirwe yo kwerekeza ahandi, byarangiye bagumyemo mu makipe babarizwamo, abandi baratungurana nk’uko hari abo byagenze nk’uko abenshi babitekerezaga.

  • Umuzamu wafashije Real Madrid gutwara ibikombe bya Champions League bitatu, Keylor Navas yagiye muri Paris Saint Germain aguranywe Alphonse Areola.
  • Mauro Icardi wakiniraga Inter Milan yo mu Butaliyani na we yagiye muri iyi kipe nk’intizanyo. Amakuru avuga ko ashobora kuzagurwa miliyoni 63 z’amayero.
  • Henrikh Mkhitaryan yaraye avuye muri Arsenal yerekeza muri AS Roma mu Butaliyani.
  • Rafinha Alcantara wa FC Barcelona yatijwe Celta Vigo yo muri Esipanye.
  • Yannick Bolasie ufite ubwenegihugu bwa Repubulika Iharanira Demukarasi ya Congo na we yagiye muri Sporting Lisbon muri Portugal.
  • Chicharito cyangwa se Javier Hernandez wakiniraga West Ham yageze muri FC Seville muri Esipanye.
  • Abakinnyi birangiye batavuye mu makipe bakinira kandi baravuzwe cyane mu isoko ry’igura n’igurisha ni aba bakurikira.
  • Neymar amze igihe kinini avugwa ko ashobora kwerekeza muri FC Barcelona cyangwa se Real Madrid nk’uko byavuzwe ko na Juventus yamutwara isaha ku isaha. Bitewe n’amafaranga menshi Paris Saint Germain yacaga ikipe yamwifuza, byatumye Real Madrid na Juventus zikuramo akazo karenge. FC Barcelona yakomeje kugerageza ariko birangira amakipe yombi atumvikanye, Neymar Jr yanzura ko azaguma mu Bufaransa.
  • Christian Eriksen ukinira Tottenham Hotspur na we yahabwaga amahirwe yo kujya muri Real Madrid. Icyari gitegerejwe umunsi n’isaha kuko ari byo bifata umwanzuro wa nyuma. Isoko rifunze uyu mukinnyi agumye mu Bwongereza.
  • Paul Pogba ukinira Manchester United yavuzweho kuzerekeza muri Real Madrid cyangwa Juventus ariko isaha yageze atangiyeyo. Imwe mu mpamvu zikomeye zatumye uyu mukinnyi ahabwa amahirwe yo kuva mu mugi wa Manchester, harimo iyo kuba atishimiwe n’abafana nyuma y’aho yahushirije penaliti ku mukipe Manchester United yakinagamo na Wolves ku wa 19 Kanama.
  • Paulo Dybala ukinira Juventus na we yavuzweho kuzerekeza muri Paris Saint Germain ariko bigahabwa umugisha ubwo Neymar yari kuva muri iyi kipe. Na we byarangiye agumye mu Butaliyani.

Shampiyona y’Ubwongereza ni yo yabimburiye izindi z’i Burayi  gufunga iri soko. Yarifunze tariki ya 8 Kanama. Kuva icyo gihe nta kipe yo mu Bwongereza yari yemerewe kuzana umukinnyi mushya ariko yari yemerewe kugurisha cyangwa gutiza mu yandi makipe yo hanze.

 

Izindi wakunda

Bwiza.com