bwiza.com
Imikino

Umusifuzi yatanze iminota 42 y’inyongera ku mukino w’umupira w’amaguru

Umusifuzi muri Shampiyona y’Umupira w’Amaguru muri Gaza yatanze iminota 42 y’inyongera ku mukino w’amakipe abiri yari ahanganye bitewe n’uko umuriro wabuze ku kibuga,bityo umukino guhagarara.

Ibi byabayee kuri uyu wa 3 Nzeri,uyu mwaka ku mukino wahuzaga amakipe abiri; Shabab Khanyounis na Ittihad Khanyounis.

Ikibazo cy’ibura ry’urumuri cyaturutse ku matara abonesha mu kibuga atari ameze neza Reddit dukesha iyi nkuru ibitangaza.

Iki kinyamakuru kivuga ko abashinzwe kubungabunga ikibuga, bashatse umutekinisiye ngo akanike amatara baramubura. Ibi byasabye ko bashaka urufunguzo rw’ahagenzurirwa amatara, bararubura, bitwara iminota 42 ngo iki kibazo gikemuke.

Nk’uko bisanzwe, umusifuzi yahise yongeraho iminota 42 yose umukino wamaze uhagaze. Abakinnyi bagarutse mu kibuga bakina iminota itatu yaburaga ngo umukino urangire, ubundi bakina iminota 42 umukino wamaze uhagaze.

Biravugwa ko uyu mukino ari umwe mu mikino ikinwe igihe kirekire mu mateka y’umupira w’amaguru ku Isi kuko wamaze iminota 132 mu gihe wakamaze iminota 90.

N’ubwo wamaze igihe kirekire, amakipe yombi yaguye miswi 0 ku 0.

 

 

Izindi wakunda

Bwiza.com