bwiza.com
Imyidagaduro

Uwahoze ari manaja wa Wendy wahuye na Perezida Kagame yakatiwe gufungwa

Uwahoze ari manaja w’Umwana w’umukobwa uzwi mu mikino ngororamubiri, Wendy Waeni, witwa Joe Mwangi Nduta yabaye afunzwe iminsi itanu.

Wendy yahuye na Perezida Kagame mu 2016 nyuma yo kubimwisabira akoresheje Twitter.

Mwangi yafashwe n’inzego z’iperereza muri Kenya (DCI) nyuma y’aho umuyobozi wazo, George Kinoti atanze impapuro zo kumuta muri yombi.

Uyu mugabo yakatiwe kuba afunzwe iki gihe kugira ngo iperereza rikorwe nta we urikoma imbere.

Mwangi ari gukorwaho iperereza ku gukoresha impapuro mpimbano zitera ubwoba nyina wa Wendy Waeni, Mgadalene Mbele azitirira umunyamabanga w’Inama y’abaminisitiri, Fred Matiang’i

Mwangi kandi ashinjwa kumushyiraho iterabwoba, amuziza ko atacecetse ku kunyereza amafaranga yabaga yagenewe Wendy.

Wendy Waeni akiri kumwe na manaja we, Joe Mwangi

Iki cyemezo gifashwe nyuma y’aho umucamanza, Bernard Ochoi yanzuye ko iki gihe gikwiye ngo Mwangi abe afunzwe, bityo abashinzwe iperereza bakore akazi kabo kubyaha uyu mugabo akurikiranweho.

Ku ruhande rwa polisi, yari yasabye ko yahabwa iminsi irindwi ngo ikore iperereza nk’uko ibinyamakuru bitandukanye byo muri Kenya bibitangaza.

Polisi yatangaje ko yafashe Mwangi wari wihishe nyuma yo kumva ko ashakishwa.

 

 

 

Izindi wakunda

Bwiza.com