bwiza.com
Amakuru Imyidagaduro

Icyo Kamikazi Fiona avuga ku byakwirakwijwe ko yarasiwe muri Uganda

Umunyarwandakazi wamamaye cyane mu ruhando rwo kumurika imideli, Fiona Kamikazi Rutagengwa yamaganye amakuru yiriwe asakazwa ku mbuga nkorambaga, ko yishwe arashwe.

Abinyujije ku rukuta rwe rwa Twiter yahakanye aya makuru avuga ko ari ibihuha bidafite ishingiro ndetse ko abari kubikwirakwiza babihagarika. Bamwe bamwifurizaga kuruhukira mu mahoro, abandi bagakoresha ifoto ye bemeza ko yarasanwe n’umurinzi we (Bodyguard),…

 

Yagize ati”Hari ibihuha biri gukwirakwizwa ko narasizwe muri Uganda n’umurinzi wanjye, mubihagarike ndi muzima.”

Fiona Kamikazi yamamaye cyane mu ikompanyi imurika iby’imideli ya Premier Modeling Agency, yavutse tariki 20 ukwakira 1991 avukira muri Uganda mu mujyi wa Kampala n’umwana w’imfura wa nyakwigendera Christopher Rutagengwa na Oriane Barahira.

Mu gitondo cyo kuri uyu wa Gatanu tariki ya 6 Nzeri, nibwo hatangajwe inkuru mu binyamakuru bitandukanye byo muri Uganda ko Princess Kamikazi ufite ubwenegihugu bw’u Rwanda yarasanywe n’umurinzi we, Joshua Ruhegyera Ntereho ahagana saa tanu z’ijoro zo ku wa Kane tariki ya 5 Nzeri 2019, ubwo bari bageze hafi y’ikiraro cya Nambigirwa, muri Mpala (Katabi).

Bigaragara ko bamwe mu bagiye batangaza ko Fiona ari we waba warashwe baba bitiranije amazina. Kanda hano usome inkuru, Umunyarwandakazi Princess Kamikazi yarasiwe i Kampala ahita apfa

Izindi wakunda

Bwiza.com