bwiza.com
Ahabanza » Ubutabera bwa Diane bugeze he nyuma y’amezi abiri akubitiwe mu ruhame n’uwo yita umunyamafaranga?
Amakuru Ubutabera

Ubutabera bwa Diane bugeze he nyuma y’amezi abiri akubitiwe mu ruhame n’uwo yita umunyamafaranga?

Diane Kamali yanditse ubutumwa abucishije ku rubuga rwa Twitter aho abaza RIB aho ubutabera bwe bugeze nyuma yo gukubitirwa mu ruhame n’uwitwa Dr Francis (GoodRich TV), hakaba hashize amezi abiri.

Diane avuga ko yakubiswe ku wa 16 Nyakanga 2019, abimenyesha Urwego rw’Igihugu rw’Ubugenzacyaha. Arabaza niba kuba Dr Francis afite amafaranga, aziranye n’abayobozi bakomeye bimwemerera guhohotera ntahanwe. Ariko amashusho yashyizeho yafashwe na ‘CCTV Camera’ agaragaza ko ibi byabaye ku wa 15 Nyakanga, 2019. Diane avuga ko n’amajwi y’ibyabereye muri iyi nama yakubitiwemo ahari.

RIB yahise isubiza Diane ko ikirego cye cyakiriwe kikanakurikiranwa. Yamusabye guca aho yatangiye ikirego kugira ngo bamumenyeshe aho dosiye igeze. Iti: ” Kandi turakwizeza ko uzahabwa ubutabera kuko nta muntu n’umwe uri hejuru y’amategeko.”

Ibi byashimangiwe na Minisitiri w’Ubutabera, Busingye Johnson wabwiye Diane ko aba yaribukije RIB abicishije kuri Twitter, avuga ko yishimiye ko RIB yahise imuha igisubizo. Na we ati: ” Mu gihugu cyacu ntawe uri hejuru y’amategeko, yaba umukire cyangwa se yaba aziranye n’abantu.” Ni ubutumwa yanditse mu rurimi rw’Icyongereza.

Icyakoze n’ubwo Diane yasubijwe n’inzego z’ubutabera, hari abafite impungenge ko n’ubundi nta musaruro iki kirego kizatanga kuko mu mezi abiri aba yarahawe ubutabera.

Uyu afite izina rya Baker Reports: “Dr Fransis wowe mushobora kuba mwarahuye atagikubita neza, nge 2015 nkorana nawe yaradukubitaga warega bakabimubwira wagaruka akakongera kugeza ubwo nafashe umwanzuro wo kuva muri icyo kigo, hari na bagenzi bacu 2 yakubitiye iwe abashumuriza n’ imbwa ye.”

Jean Paul Ibambe yemera ko RIB iri gukora iperereza ariko akibaza impamvu biri gukererwa. Yagize ati: ” Ubutabera bukerewe ni ubutabera bwanzwe (butariho).”

Gusa hari abizera ko RIB hari icyo igiye gukora nyuma y’aho Diane ayibukije.

“Ibi ni ibibazo, umuntu nka Dr akwiye gufasha abantu ntabwo akwiye guhohotera abana b’abakobwa, ubutabera bumukurikirane, kandi wihangane ubuyobozi burahari kubwacu twese” Valens Iradukunda.

Emma Marie Umurewa ati : “Ihangane ubwo wabimenyesheje RIB irimo kubikurikirana.”

 

Izindi wakunda

5 Ibitekerezo

DUMBULI 06/09/2019 10:00 am at 10:00 am

Dr Francis barandahiye araguhonda zigapfa ubusa wagaruka akagusubira kdi Diane si uwa 1 cga uwa nyuma n”abandi azabakubita pe! nta mikino arenze amategeko njye mubonye nayabangira ingata. Gusa arakomeye kuko mu mezi asaga abiri ikiriho nuko ibimenyetso bihari byatindijwe byirengegijwe cga byasinsibiranijwe ubutabera butinze busanga wararambiwegusa nizera inzego zose z”u rwanda harimo RIB, tegereza wihanganye.

Subiza
Mico 06/09/2019 11:13 am at 11:13 am

Niba aribyo gukubita zigapfa ntihazabura umwana wiyanze wikihebe akamuhonda nawe muzaba mureba

Subiza
Www 06/09/2019 1:01 pm at 1:01 pm

Wa mwana we wakiturije ,nawe uvuze ko ari umuntu ukomeye !!! Ubwo aramutse akwivuganye waba uziziki !! Wakiturije ko byarangiye nubundi.

Subiza
Innocent 08/09/2019 5:50 am at 5:50 am

Abakomeye ntawe ubavuga sha! Kuva na kera bahozeho ntimukitiranye burya ntacyahindutse. Ku ngoma ya Habyara abitwaga ba Simbikangwa baragukubitaga wavuga ukabizira! Uzagere ahantu umugabo witwa Sandral Sebakara yashyize imashini zisya amabuye mu baturage urebe, ntaho ikibazo kitageze yewe no ku muvunyi. Ariko se hari icyo byatanze? Ubu se twirirwa dupakirwa muri bus nkibigori kuko abanyarwanda babuze amafranga yo gushora muri transport cg nikki byahariwe umunyembaraga ngo atugenze uko ashaka? Umutabazi dufite mu Rwanda ni HE gusa naho abandi ni kwakundi nyine. Wa mukobwa we rero hanyanyaza nudapfa uzakira.

Subiza
Kagibwami 08/09/2019 11:51 pm at 11:51 pm

Ntagihishe kitazahishurwa Uwomwita ko akomeye akomejwe Niki se kuko yumva ko atazapfa se kuko yumva ko yaremye amafaranga kuko atava amaraso se ahubwo mugira ubwoba bwubusa intore izurusha intabwe araje amukonjeshe niba aribyo atangiye ubwo ntabwo arabimenya ubwo RIB ntiri gukora yagiye Muri Conge nivayo haricyo azayitegeka ntamuntu kamara asome kunote arebe ibyanditseho arebeko harizina rye ryanditseho ahubwo haziyongereho kwangisha reta abaturage ubwowo Mwana wumukobwa yatangiye kuvuga ko RIB yatangiye kugenda biguruntege!!!!

Subiza

Tanga Igitekerezo

Bwiza.com