bwiza.com
Ahabanza » Ubwongereza: Basabiye Gen. Frank Rusagara bavuga ko afunzwe “arengana”
Amakuru Politiki

Ubwongereza: Basabiye Gen. Frank Rusagara bavuga ko afunzwe “arengana”

Abakirisitu bo mu rusengero rwitwa Holy Trinity ruherereye mu majayaruguru ya Landani (London) bakoze amasengesho basabira Rtd. Brig. Gen. Frank  Rusagara  Kanyambo wakatiwe n’urukiko rwa gisirikare gufungwa imyaka 20.

Uru rusengero Gen. Rusagara na we yigeze kurusengeramo ubwo yari umudipolomate w’u Rwanda muri iki gihugu mu myaka icumi ishize.

Ikinyamakuru Church Times cyo mu Bwongereza dukesha iyi nkuru gitangaza ko Gen. Rusagara yari umukirisitu muri uru rusengero, bana batanu ndetse n’umugore we, nyakwigendera Christine Rusagara.

Umuyobozi w’uru rusengero,  Rev. Andy Keighley, yavuze ko Rusagara n’umuryango we “ Bari bakunzwe cyane mu bagize uru rusengero.”

Abagize uru rusnegero bavuga ko “batunguwe” n’ifatwa n’ifungwa rya Gen. Rusagara bitewe n’uko ngo ibyo “ashinjwa bishingiye ku mapmvu za politiki.”

Abagize uru rusengero ngo ni bo bakomeje kwita ku muryango wa Gen. Rusagara urimo uwari muto, Ezra watangiye kaminuza umwaka ushize y ndetse n’umugore we, Christine mbere y’uko apfa mu 2016 azize kanseri.

Rev. Mr Keighley ati “ Icyumweru ku kindi dusengera Frank ngo arekurwe kugira ngo yongere ahure n’abana be nyuma y’imyaka itanu batari kumwe.

Umukobwa wa Gen. Rusagara, Veronica Shandari ati  “ Dukumbuye data cyane. Kongera guhura na we ndetse na marume[  Col.Tom Byabagamba] tugashyingura mama hano mu Bwongereza. Ntitwigeze tubikora kubera ifungwa ryabo.”

Rtd. Brig Gen Frank Rusagara yatawe muri yombi mu 2014. Urukiko rwa Gisirikare mu 2016 rwamuhamije ibyaha birimo kwamamaza nkana ibihuha no kugomesha rubanda abangisha ubutegetsi buriho, gukora igikorwa kigamije gusebya Leta ari muyobozi, ndetse no gutunga imbunda binyuranije n’amategeko.

Rwategetse ko afungwa imyaka 20. Kuri ubu, uyu mugabo yarajuriye, kuko atemera ibyaha ashinjwa.

 

 

 

 

 

Izindi wakunda

1 Igitekerezo

Aline 06/09/2019 12:36 pm at 12:36 pm

Ngo abo bana bakumbuye se !!! Mbega imiteto. Twe dada tumuheruka 1994 gusa Uko mukumbuye so , hari nabamuvumira ku gahera kubera ubugome bwe !

Subiza

Tanga Igitekerezo

Bwiza.com