bwiza.com
Amakuru Imikino

Samuel Eto’o yatangaje ko ahagaritse ruhago

Samuel Eto’o yatangaje ko avuye mu kibuga nyuma y’imyaka 22 amaze akina umupira w’amaguru.

Eto’o w’imyaka 38 yahoze akinira ikipe y’igihugu ya Cameroun hamwe na Barcelona n’ayandi makipe atandukanye, akaba yarabaye umukinyi wa mbere ku mugabane wa Afrika, incuro Enye.

Eto’o yatsindiye ikipe ya Cameroun ibitego 56 mu mikino 118,  ibintu bitari byarabayeho ku bandi.

Mu mwaka ushize wa 2018, nyuma y’igihe gito yari amaze mu ikipe ya Konyaspor muri Turukiya, yahavuye ajya mu ikipe ya Qatar Sports Club, akaba ariyo asorejemo ruhago nk’umukinnyi.

BBC itangaza ko Samuel Eto’o yinjiye mu ikipe ya Real Madrid mu 1996 afite imyaka 16, ariko ntiyahawe amahirwe menshi yo gukina kuko yakinnye imikino itatu gusa mbere y’uko atizwa mu ikipe ya Leganes, Espanyol na Mallorca.

Mu mwaka wa 2004, uyu mukinnyi wavukiye i Douala muri Kameruni niho yinjiye muri Barcelona, ayifasha kwegukana igikombe cyo muri Espagne inshuro eshatu.

Eto’o kandi yafashije Inter Milan gutsindira igikombe cya  Fifa Club World Cup mu 2010.

Inyuma y’aho, Eto’o yamaze imyaka ibiri mu ikipe Anzhi Makhachkala yo mu Burusiya, mbere yo kwinjira muri Chelsea mu 2013.

Yakinnye kandi muri Everton, Sampdoria na Antalyaspor, mbere y’uko yinjira muri Konyaspor, hanyuma muri Qatar SC ariho arangirije.

Etoo yagiriye ibihe byiza muri FC Barcelona

Izindi wakunda

Bwiza.com