bwiza.com
Amakuru Politiki

Umurambo w’umuyobozi w’Imbonerakure wabonwe ku ruzi rwa Rusizi

Umurambo wari waratangiye kwangirika w’Imbonerakure yitwa Joseph Ndikuriyo wabonwe ku ruzi rwa Rusizi, mu gace k’ahitwa Rusiga.

Uyu murambo wabonwe ahagana saa kumi n’ebyiri z’umugoroba wo ku wa Gatanu tariki ya 6 Nzeri 2019, Joseph Ndikuriyo akaba yari umuyobozi w’Imbonerakure mu gace ka Kagazi, Komini Rugombo, mu Burundi.

Abaturage baganiriye na Sosmedias/Burundi batangaza ko yaba yariciwe mu kibaya cya Rusizi, mu gace ka Rubelizi, Teritwari ya Uvira, mu Ntara ya Kivu y’Amajyepfo muri Repubulika Iharanira Demokarasi ya Congo,

Uyu ati “Mu minsi ishize twabonye Imbonerakure ziva muri RDC.” Bakavuga ko yaba yariciwe muri Congo umurambo ukajugunywa hafi y’uruzi rwa Rusizi rugabanya ibi bihugu byombi.

Umuyobozi wa Komini Rugombo, Béatrice Kaderi yemeje aya makuru akavuga ko hari iperereza ririmo gukorwa ngo hamenyekane iby’uru rupfu rwa Joseph.

Izindi wakunda

Bwiza.com