bwiza.com
Amakuru Featured Politiki

Abegereye pariki z’igihugu bamaze guhabwa Frw miliyari zisaga  eshanu- Minisitiri w’Intebe

Minisitiri w'Intebe, Dr Edouard Ngirente ubwo yafunguraga ku mugaragaro inama ya '2019 Business Conservation' muri Kigali Convention Center/ Ifoto: Twitter

Minisitiri w’Intebe w’u Rwanda, Dr Edouard Ngirente atangaza ko abaturage begereye pariki z’igihugu bamaze guhabwa amafaranga agera asaga Frw miliyari 5 na miliyoni 300  mu rwego rwo kubateza imbere mu mishinga itandukanye mu myaka 14 ishize.

MU ijambo rye, atangiza inama yiswe ‘2019 Business of Conservation Conference’ ku bufatanye na Kaminuza y’Imiyoborere muri Afurika, kuri uyu wa 9 Nzeri 2019, Minisitiri w’Intebe, Dr Ngirente yavuze ko aya mafaraganga yahawe abaturage binyuze mu mishinga 647.

Ati “ Leta y’u Rwanda kuva mu 2005 yashoye asaga miliyoni 5.8 z’amadorali ya Amerika mu mishinga 647 ku baturage begereye pariki z’igihugu.”

Dr Ngirente avuga ko iyi gahunda yo gusangira n’abaturage ibyinjizwa na pariki ugamije guteza imbere imibereho myiza y’abaturage. Yavuze ko aya mafaranga yongerewe kuva mu 2017.

Ati “  Iyi gahunda yo gusangira ibiba byinjijwe na pariki yatangiye mu 2005 hatangwa 5% by’ayinjijwe n’ubukerarugendo gusa nyuma yaje kongerwa aba 10% mu 2017. Iyi gahunda igamije kubaka  iterambere ry’ubukungu ku baturage begereye pariki no guteza imbere imibereho yabo.”

Minisitiri w’Intebe, Dr Edouard Ngirente ubwo yafunguraga ku mugaragaro inama ya ‘2019 Business Conservation’ muri Kigali Convention Center/ Ifoto: Twitter

Yakomeje avuga ko mu kongera ingano yo kugana n’abaturage ibivuye mu bukerarugendo, harimo no gushumbusha ababa bangirijwe n’inyamaswa zo muri izi pariki.

Yashimnagiye ko ubufatanye hagati ya Leta n’abaturage, ari ubunararibonye Leta y’u Rwanda ifite ku bijyanye no kugira ngo haterwe intambwe mu kubungabunga umutungo kamere, ubukerarugendo burambye.

Yasabye abitabiriye iyi nama kugira icyo bakorwa kugira ngo ibigwi karande bya Afurika bisigasirwe bityo bibashe kugirira akamaro Abanyafurika.

Kuri ubu mu Rwanda ubuso bungana na 8.9% by’igihugu ni pariki n’amashyamba ya cyimeza.

 

Izindi wakunda

Bwiza.com