bwiza.com
Amakuru Politiki

Kabila mu gahinda yatewe n’urupfu rwa Robert Mugabe wacunguye igihugu cyabo

Nyuma y’urupfu rwa Robert Mugabe wahoze ari Perezida wa Zimbabwe, benshi bagiye bagaragaza agahinda bagize kubera ibikorwa by’indashyikirwa byamuranze, muri bo harimo na Joseph Kabila wahoze ari Perezida wa RD Congo uvuga ko yacunguye iki gihugu.

Ku wa Gatanu tariki ya 6 Nzeri 2019, nibwo Mugabe yitabye Imana afite imyaka 95 y’amavuko. Benshi barimo Joseph Kabila bakaba barakozwe ku mutima n’urupfu rwe.

Joseph Kabila yagize ati “Tuzahora twibuka imfura ibereye Afurika, yatubaye hafi acungura igihugu cyacu igihe umwanzi waturutse imahanga yaduteraga. Umugabane wacu utakaje umwe mu barwanashyaka ukomeye cyane, intwari yaharaniye ubwigenge”.

Perezida Mugabe yayoboye Zimbabwe kuva mu 1980 kugeza mu 2017, bitangazwa ko yafashije Congo ubwo yari yugarijwe n’intambara yiswe ‘Intambara ya kabiri ya Congo’ mu 1998-2002.

Iyi ntambara hari n’abayita Intamba y’Isi ya Afurika kuko yahuriyemo ibihugu bigera ku Icyenda birimo na Zimbabwe yari ku ruhande rw’ibishyigikiye Laurent Desire Kabil, se wa Joseph Kabila.

Mugabe niwe washinze ishyaka rya Zanu-PF ryaharaniye ubwigenge bwa Zimbabwe, afatwa nk’intwari y’iki gihugu, yahiritswe ku butegetsi agifite abakunzi benshi mu gihugu no mu mahanga kubera uburyo yagiye afasha benshi.

Ni umuyobozi wari uzwi cyane ku isi no muri Afurika by’umwihariko kubera gutinda cyane ku butegetsi, kurwanya abazungu no kubambura ibikingi byabo muri Zimbabwe.

Laurent Desire Kabila na Mugabe Robert

 

Izindi wakunda

Bwiza.com