bwiza.com
Amakuru

Umugabo w’umugore wishwe arashwe bikavugwa ko ari ‘Umunyarwanda’ avuga ko yatunguwe n’aho yiciwe

Umugabo wa Merina Tumukunde Kamukazi uherutse kwicwa arashwe bikavugwa ko ari Umunyarwanda , Mark Rugenza , avuga ko atari aziko umugore we ari mu Mujyi wa Kampala aho yiciwe.

Rugenza avuga ko ku munsi wabanjirije urupfu rw’umugore we, yari yamuvanye mu Mujyi wa Kampala akamujyana Mbarara, we akagaruka Kampala aho afite akabari kitwa Gabiro ahitwa Bugolobi.

Avuga ko yatunguwe no kumva  ko umugore we bamurasiye Entebbe, mu gihe yari yamusize mu rugo Mbarara.

Ati “ Naje kumva nyuma ko navuye mu rugo agafata inshuti ze bakaza Kampala ntabizi. Bampamagaye bambwira ko bamurasiye  i Kampala.Nahamagaye inshuti yanjye muri Mbarara ngo indebere ko ari mu rugo,impamagara imbwira ko umugore wanjye atari yaharaye iryo joro.”

Uyu mugore byatangiye bivugwa ko ari Umunyarwanda gusa Ambasaderi w’u Rwanda muri Uganda yabeshyuje aya makuru avuga ko ari ‘puropaganda z’ibinyamakuru byo muri Uganda.”

Uyu mugore yarashwe ubwo yari kumwe n’umusore witwa Joshua Rushegyera Nteireho ku muhanda werekeza Kampala uca Entebbe, ku kiraro cyitwa Nambigirwa.

Abashinzwe umutekano bavuga ko umuntu warashe aba bombi, yari mu modoka imwe na bo. Kuri ubu iperereza riracyakomeje ngo abishe aba bombi bagezwe imbere y’ubutabera.

Source: The New Vision

 

 

 

 

Izindi wakunda

Bwiza.com