bwiza.com
Amakuru Ubuzima

Icyo OMS ivuga ku kibazo cyo kwiyahura kiri mu biri kugarukwaho cyane mu Rwanda muri iki gihe

Ishami ry’Umuryango w’Abibumbye ryita ku Buzima (OMS) rivuga ko abantu 800,000 biyahura buri mwaka ku Isi yose.

OMS kuri uyu wa 10 Nzeri yatangaje ko abantu bapfa biyahuye baruta kure abicwa n’intambara, kanseri n’izindi ndwara.

Ivuga ko umbare w’abapfa biyahuye wabaye nk’ugabanuka hagati ya 2010 na 2016 ndetse ukaba utarigeze wiyingera bitewe ahanini n’uko n’abaturage bagiye biyongera.

Iri shami rya ONU rivuga ko umuntu umwe apfa yiyahuye mu masegonda 40 ku Isi yose.

Umuyobozi Mukuru wa OMS, Tedros Adhanom Ghebreyesus ati “ N’ubwo bigaragara ko byagabanutse ariko umuntu umwe abura ubuzima mu masegonda 40 bitewe no kwiyahura. Ibi bivuze ko hari inshuti, imiryango na bagenzi bacu bagira ibyago.”

Mu 2016, OMS yagaragaje ko abagera kuri 11 mu bantu 100 bapfa biyahuye.

Igihugu cya Guyane ni cyo cyazaga imbere mu kugira umubare uri hejuru w’abaturage bapfa biyahuye.Cyari gifite abantu 30 ku ijana bapfa biyahuye.

OMS Irasaba ibihugu gushyiraho ingamba zo guhangana n’iki kibazo.

Mu Rwanda byifashe bite?

Ni kenshi twumva mu bitangazamakuru ko hari Umunyarwanda wiyahuye. N’ubwo nta mibare izwi y’abantu bapfa biyahuye Bwiza.com yabonye, nta wakwihandagaza ngo avuge ko kwiyahura bitari mu bibazo abashinzwe iby’ubuzima n’abandi bireba bakwiriye gushyira ingufu mu guhangana nacyo.

Nko mu cyumweru gishize, kuwa 6 Nzeri uwitwa Scolastique Hatangimana yariyahuye ubwo yasimbukaga igorofa rya kane mu Mujyi wa Kigali.

Kuri uwo munsi kandi mu Murenge wa Kinyinya mu Karere ka Gasabo, umugabo witwa Udahemuka Theogene na we yariyahuye nyuma y’aho umugore we yanze ko batera akabariro.

 

Izindi wakunda

1 Igitekerezo

X0781131573 10/09/2019 12:57 pm at 12:57 pm

Ukuri kw’impamvu zituma abantu biyahura 1-Imibanire yo mungo ahanini ishingiye ku mitungo. 2-Gucana inyuma 3-Inzara 4-Ubukene 5-Ubusumbane

Subiza

Tanga Igitekerezo

Bwiza.com