bwiza.com
Amakuru

Hagaragaye indi nyemezabwishyu y’amande ya RRA itavugwaho rumwe

Umunyamakuru Oswald Mutuyeyezu yabonye inyemezabwishyu y’Ikigo cy’Igihugu cy’Imisoro n’Amahoro (RRA) igaragaza ko uwitwa Bigirimana yishuye amande ku bwo gusibya umwana ishuri.

Nk’uko Bigaragara ku nyemezabwishyu, Bigirimana atuye mu murenge wa Bungwe, akarere ka Burera mu ntara y’Amajyaruguru. Kuri uyu wa 10 Nzeri yishyuye amande 2000 y’Amafaranga y’u Rwanda ku bw’impamvu twavuze haruguru.

Haribazwa niba muri RRA habaho bene iyi misoro. 

Byatumye uwitwa Karangwa asubiza ko hari imisoro ishyirwaho na Njyanama y’Akarere ku buryo wasanga yarashyizweho, ikaba yaratangiye kwishyuzwa. We yemeza ko ari make ukurikie agaciro ko k’ishuri. Ibi bivuguruzwa n’uwiyise Private Motion wabajije ati : ” Ese mbabaze: amande ashyirwaho n’uruhe rwego?” Atekereza ko iyo aba yemewe, byashoboka ko yakwishyurirwa no kuri serivisi z’Irembo.

Jean Luc ashimira uyu musoresha kuko ngo afite intumbero nziza zo kubaka u Rwanda. Kimwe na Karangwa wavuze ko ahubwo hashakwa uburyo aya mande yajyaho, cyane ko ari make.

Nyamutare Kavara abona ko umubyeyi yakabaye ahanirwa kubuza umwana uburenganzira bwo kwiga. Ngo akeka ko byanarusha uburemere aya amande.

Patrice Saga ati: ” Leta yishyura umwarimu uza kwigisha uwo mwana, yahagera akabura uwo yigisha, ejo yasubirishamo agasanga uwasibye niwe udindiza abandi! Ngaho gena agaciro k’ibyo umubyeyi aba asenye mu munsi umwe ntampamvu.”

Nk’uko bigaragara mu bitekerezo bya benshi, amande arashyigikiwe ariko hakibazwa niba ingano yayo izwi ku buryo umusoresha atakwishyuza ayo ashatse. Kubanza kumenya impamvu umwana yasibye ishuri cyangwa se umubyeyi yasibirie umwana nacyo kiza mu bitekerezo ariko.

Iyi nyemezabwishyu igiye ahagaragara nyuma y’indi yagaragaye mu Karere ka Rusizi na yo igakurura impaka, aho Nsabimana Dominique yaciwe amande 2000 RWF ku bwo kutamenya gusoma. Icyakurikiyeho ni uko RRA yasambye imbabazi, ivuga ko yamaze kumusubiza amafaranga ye kandi ko ababikoze batangiye gukurikiranwa.

Itangazo rya RRA yashyize kuri Twitter ryagiraga riti: “Turisegura kuri Nsabimana Dominique waciwe amafaranga yiswe ayo kutamenya gusoma kuko ntaho ateganijwe mu itegeko. Ubu yamaze gusubizwa amafaranga ye, nyuma y’uko RRA n’ akarere ka Rusizi basuzumye imiterere y’iki kibazo. Abakozi babikoze nabo barimo gukurikiranwa

Kanda kuri iyi ‘tweet’ niba ushaka gusoma ibitekerezo byose:

Ku wa 25 Kamena ni bwo Nsabimana Dominique yaciwe amande ku bwo kutamenya gusoma no kwandika

Izindi wakunda

Bwiza.com